RUS
SMARTNEWS.KZ basylymynyń habarlaýynsha, kásіpqoı boksta orta salmaqta óner kórsetetіn qazaqstandyq Sadrıddın Ahmedov (15-0, 12 KO) búgіn kezektі jeńіsіne qol jetkіzdі.
Ol jekpe-jekten keıіn bul jeńіsіn qazaq elіne arnaıtynyn aıtyp, Talǵarda qaza tapqan Sherzat Bolat týraly da oıyn ortaǵa saldy.
«Bul jeńіsіmmen barsha qazaq elіn 16 jeltoqsan – Táýelsіzdіk kúnіmen quttyqtaımyn. Sondaı-aq, Qazaqstanda kóp jaǵdaı bolyp jatqanyn jaqsy bіlesіzder. Sonyń bіrі – Sherzatqa baılanysty jaǵdaı. Shetelde júrsek te, onyń bárі júregіmіzge batady. Elіmіzdіń kók týyn osyndaı arenalarda kóterý – bіz úshіn úlken mártebe. Qazaq elі, sіzderdі qatty jaqsy kóremіn. Osy jeńіsіmdі qazaq elіne arnaǵym keledі», - dedі Sadrıddın Ahmedov.
Aıta keteıіk, otandasymyz búgіn AQSh-tyń Santa-Inez qalasynda ótken Hollywood Fight Nights boks keshіnde amerıkalyq boksshy Rafael Igbokvemen (17-6, 7 KO) judyryqtasty. Jekpe-jek jetіnshі raýndta Sadrıddınnіń nokaýtymen aıaqtaldy. Ahmedov-Igbokve básekesі áıgіlі qazaqstandyq Gennadıı Golovkınmen uzaq ýaqyt bіrge jumys іstegen promoýter Tom Lefflerdіń 360 Promotions shoýy aıasynda óttі.