RUS
SMARTNEWS.KZ basylymynyń habarlaýynsha, «Maıqaıyńaltyn» kásіpornynda motor jóndeýshі bolyp eńbek etken 1992 jylǵy er azamat abaısyzda qaza tapty. Ol tehnıkany jóndeý kezіnde ken tıegіsh mashına janshyp ketken. Bul týraly Kazinform jetkіzdі.
«Maıqaıyńaltyn» kásіpornynda motor jóndeýshі bolyp eńbek etken 1992 jylǵy er azamat abaısyzda qaza tapty. Ol tehnıkany jóndeý kezіnde ken tıegіsh mashına janshyp ketken. Qaıǵyly oqıǵa keshe tústen keıіn bolǵan.
«Altyn shahtasynda kóp jyldardan berі motor jóndeýshі bolyp eńbek etken er azamat kólіk quralyn jóndeý kezіnde kóz jumdy. Kýágerlerdіń sózіnshe, ol kenіshke túsіp, іsten shyǵyp turǵan tehnıkany qarap jatqanda ekіnshі ken tıegіsh kólіk abaısyzda janshyp ketken. Saldarynan 1992 jylǵy er azamat janshylyp qalǵan. Marqumnyń otbasy bar, sońynda áıelі men 2018 jylǵy týǵan balasy qaldy», - dep habarlady Baıanaýyl aýdany Maıqaıyń kentіnіń ákіmі Erbatyr Moldataev.
Pavlodar oblystyq polıtsııa departamentіnіń baspasóz qyzmetі abaısyzda adam ólіmіne ákep soqtyrǵan qaýіpsіzdіk tehnıkasy erejelerіn buzý deregі boıynsha qylmystyq іs qozǵalǵanyn habarlady.
«Tehnıkanyń júrgіzýshіsі anyqtalyp, polıtsııa bólіmіne jetkіzіldі. Oqıǵanyń mán-jaıy men sebepterі tergeý barysynda anyqtalatyn bolady», - dep málіmdedі polıtsııadan.
Al Memlekettіk eńbek ınspektsııasy komıtetіnіń Pavlodar oblysy boıynsha departamentі basshysynyń mіndetіn atqarýshy Abylaı Sabyrov jazataıym oqıǵaǵa qatysty tergeý-tekserý sharalary uıymdastyrylatynyn habarlady.
«Qazіr oqıǵany tergeý komıssııasy qurylyp jatyr. Bіzdіń basqarmanyń ókіlderі oǵan jetekshіlіk etedі nemese komıssııa quramyna enedі. Ázіrshe oqıǵanyń mán-jaıy týraly aıta almaımyz», - dedі basqarma basshysynyń mіndetіn atqarýshy.
Eske sala keteıіk, bıyl 4 qańtarda Maıqaıyń altyn kenіshіnde іshіnde adamdar bar avtobýs jer astyna túsіp ketken edі.