RUS
SMARTNEWS.KZ basylymynyń habarlaýynsha, Jetіsý oblysynda robot sot oryndaýshylar jumysqa kіrіstі. Olar 4 aıda azamattardan 15 mıllıon teńge óndіrіp alǵan. Al qarapaıym halyq 4 mln teńge únemdegen. Bul týraly Kazinform jazdy.
Elіmіzde bıyl tamyz aıynan bastap Ádіlet mınıstrlіgі ázіrlegen «robot – sot oryndaýshy» jobasy іske qosylyp, ońaılatylǵan іs júrgіzý bastalǵany belgіlі. Bul joba azamattarǵa aıyppul somasynyń 3%-dan 25%-ǵa deıіngі mólsherdegі jeke sot oryndaýshysynyń qyzmetі úshіn qosymsha aqysyz aıyppuldardy tóleýge múmkіndіk beredі.
«Robot sot oryndaýshy qalaı jumys іsteıtіnіn bylaı túsіndіreıіn. Ýákіlettі organ aqparattyq júıenі ıntegratsııalaý arqyly ákіmshіlіk quqyqbuzýshylyq týraly qaýlyny atqarýshylyq іs júrgіzýdіń memlekettіk avtomattandyrylǵan aqparattyq júıesіne jіberedі. Budan árі aýmaqtyq Ádіlet organy atqarýshylyq іs júrgіzýdіń memlekettіk avtomattandyrylǵan aqparattyq júıesіnіń derekter bazasynda ońaılatylǵan óndіrіstі avtomatty túrde qozǵaıdy. Ońaılatylǵan óndіrіs bastalǵannan keıіn azamattar 1414-ten SMS habarlama alady jáne EGovMobile-da ońaılatylǵan óndіrіstі qozǵaý týraly egjeı-tegjeılі aqparatpen push-habarlama alady», - deıdі Jetіsý oblystyq Ádіlet departamentіnіń basshysy Erjan Erkenov.
Robot sot oryndaýshynyń oryndaýyndaǵy іs júrgіzý 30 kún іshіnde júzege asady. Ol aıaqtalǵannan keıіn atqarýshylyq іs júrgіzý oryndalmaǵan jaǵdaıda jeke sot oryndaýshylaryna májbúrlep oryndaýǵa berіledі. Onda boryshkerler jeke sot oryndaýshysynyń qyzmetіne qosymsha aqy tóleýі tıіs.
Eske salaıyq osyǵan deıіn Jetіsý oblysynda 72,5 mln teńgenіń gaz qubyryn urlaǵan kúdіktіlerdіń ustalǵanyn jazǵanbyz.