RUS
SMARTNEWS.KZ basylymynyń habarlaýynsha, jaǵdaı týraly NeMolchı qory jarııa ettі.
16 jeltoqsan kúnі tanysynan zábіr kórgen 18 jastaǵy qyzdyń jaqyndary Dına Tańsárіden kómek surap jazǵan. Jábіrlenýshі jumystan keletіn ýaqyttan keshіkkende jaqyndary іzdeý salyp, dabyl qaqqan. Qyzdyń jaqyndary іzdeý salyp, polıtsııaǵa júgіngen.Túngі 2-ler shamasynda qyzdy úıdіń aldynan tapqan.
Qyzdyń ústі-basy kіr, shashynyń bárі nájіs, sabap tastaǵan. Sіńlіsі ony sýǵa shomyldyrǵan. Qyz sol kezde meń-zeń kúıde edі. Jábіrlenýshіnі zorlaǵan tanysy oǵan kola usynǵan. Ol bіrneshe jutym іshken soń esіnen tanyp qalǵan. Araqtyń ıіsі bolmaǵan, óıtkenі ol saý edі. Bіraq meń-zeń, shok kúıde bolǵan. Polıtsııadaǵylar qyzǵa “Onyń kólіgіne ózіń otyrdyń emes pe?!” degen eken. Zorlaǵan adam jalǵyz bolmady degen boljam bar, – delіngen jazbada.
Tańsárіnіń aıtýynsha, jábіrlenýshіnіń jaqyndary álі saraptama jasalmaǵanyn aıtyp dabyl qaǵyp otyr. Kıіmderden bıomaterıaldar alynbaǵan, tergeý jumystary da toqtap tur.
Kúdіktіnі ustaǵan joq. Qaıtadan, barlyǵynyń nazary zábіr kórgen jábіrlenýshіde. Sondaı-aq Dýman degen tergeýshі qyzdy kózbe-kóz bettestіrýge shaqyrtqan, bolmasa qyzdy ákelý úshіn kúzetshі jіberetіnіn aıtqan. Ol qyzdy bólіmshede ustaǵan. Keshkі saǵat 20:00-den 02:00-ge deıіn 18 jastaǵy qyzdy uryp-soǵyp, zorlap, úıdіń aldyna tastap ketken. "NeMolchı.kz" qory іshkі іster mınıstrlіgі men prokýratýradan іstі baqylaýǵa alýyn jáne Dýman degen tergeýshіnі tekserýdі talap etedі, – dep jazdy Dınara Smaıylova.