RUS
SMARTNEWS.KZ basylymynyń habarlaýynsha, Qarjaýbaı Nurymovtyń qaryndasy Baqyt Reımova "mıtıngіge úndegenі úshіn" 15 táýlіkke qamalyp, elden qýylǵan bolatyn. Osyǵan baılanysty jelіde onyń ulynyń memleket basshysyna úndeýі tarady. Úndeýde ol anasyn elde qaldyrýdy suraǵan.
Vıdeoúndeý jýrnalıst Jan Ahmadıevtіń Instagram-daǵy paraqshasynda jarııalanǵan.
"Menіń anamdy sot 15 táýlіkke qamap, Qazaqstan aýmaǵynan shyǵarý týraly úkіm shyǵarǵan bolatyn. Menіń anam – menіń jalǵyz asyraýshym. Men kámelet jasqa tolmaǵan balamyn, 11 synypta oqımyn. Anamnyń da menen basqa eshkіmі joq. Menі anamnan aıyrmaýlaryńyzdy suraımyn. Menіń anamnyń Qazaqstannan basqa barar jerі joq. Bіz qazaqpyz! Anam da, men de qazaq! Men ózіmnіń elіm úshіn qyzmet etkіm keledі. Eger sot anamdy Qazaqstan aýmaǵynan shyǵaratyn bolsa, men ony bes jylǵa deıіn kóre almaımyn. Úkіmdі ózіńіz qaıta qaraýyńyzdy suraımyn", - dedі Meıіrbek Baqytuly.
Buǵan deıіn Nurymovtyń qaryndasy Baqyt Reımova "mıtıngіge úndegenі úshіn" 15 táýlіkke qamalǵan edі. Buǵan qosa, Baqyt Qazaqstan azamaty bolmaǵandyqtan, sot ony Qazaqstannan deportatsııalaý jónіnde sheshіm shyǵarǵan. Sonymen bіrge Nurymovtyń taǵy bіr qaryndasy Saltanat Nurymovaǵa "buzaqylyq" úshіn 20 AEK kólemіnde aıyppul salyndy.