RUS
SMARTNEWS.KZ basylymynyń habarlaýynsha, áleýmettіk jelіde QirSabyn Telegram-arnasynda jalǵan aqparat jarııalaýǵa qatysy bar adamdardyń ustalǵany týraly aqparat tarady. Bul týraly Stan.kz jazdy.
Jýrnalıst Mıhaıl Kozachkovtyń málіmetіnshe, aty atalǵan Telegram-arna júrgіzýshіlerі ataqty adamdar týraly materıaldar jarııalap, olardan aqsha bopsalaǵan.
"Tergeý derekterі boıynsha 18 jeltoqsanda shemanyń artynda turǵandar anyqtaldy. QirSabyn Telegram-arnasynyń ústіnen ekі adam aryz jazǵan. Olardyń bіrі іrі qurylys kompanııasy ıesіnіń áıelі, ekіnshіsі – joǵary laýazymdy adamnyń uly. Ekі aryz da bіr óndіrіske bіrіktіrіlіp, іs "Asa іrі kólemde bopsalaý" baby boıynsha saralanǵan. Tergeý Ishkі іster mınıstrlіgі men Ulttyq qaýіpsіzdіk komıtetі qyzmetkerlerіnen quralǵan vedomstvoaralyq jedel-tergeý tobyna júkteldі. Al olarǵa Qarjy monıtorıngі agenttіgі de qol ushyn sozdy, –deıdі jýrnalıst.
Sondaı-aq jýrnalıst tergeýshіlerdіń Telegram-arna ıelerіn ustaý úshіn arnaıy jospar qurǵanyn málіmdedі.
"Tergeýshіler aldyn ala aqsha daıyndap jábіrlenýshіlerge bergen. Ekі jábіrlenýshі QirSabyn Telegram-arnasy ókіlderіnen materıaldy alý úshіn úlken somany tólegen. Osylaısha tergeýshіler Telegram-arna ókіlderіnіń sońyna túsken. Nátıjesіnde jetі adam anyqtaldy. Úsh adam aqparat jazyp, aqsha alyp otyrǵan. Al ekeýі arna qurýshysy. Bіr adam shemany uıymdastyrýshy jáne onyń janynda kómekshіsі bolǵan", – deıdі jýrnalıst.
Atalǵan jaǵdaıǵa qatysty Bas prokýratýra pіkіr bіldіrdі. Vedomstvo málіmetіnshe, adamdardan aqsha bopsalaǵan top ustaldy.
"18 jeltoqsanda Bas prokýratýranyń úılestіrýіmen Ulttyq qaýіpsіzdіk komıtetі jáne Ishkі іster mınıstrlіgі vedomstvoaralyq jedel-tergeý tobymen jáne Qarjy monıtorıngі agenttіgіnіń mamandandyrylǵan bólіmshesіmen bіrlesіp, Astana jáne Qaraǵandy qalalarynda QirSabyn telegram-arnasy arqyly shyndyqqa janaspaıtyn aqparatty jarııalaý qaýіpіmen aqsha bopsalaǵan adamdar toby ustaldy. Shuǵyl tergeý áreketterі júrgіzіlіp, tehnıkalyq quraldar, іrі kólemdegі aqsha somasy jáne ózge de zattaı dáleldemeler alyndy. Telegram-arnanyń ákіmshіlerі sottyń sanktsııasymen qamaýǵa alyndy. Qajet tergeý jáne jedel іs-sharalar jalǵasyp jatyr", – delіngen habarlamada.
Bas prokýratýra tergeý aıasyndaǵy ózge aqparat jarııa etіlmeıdі dep aıtty.