RUS
SMARTNEWS.KZ basylymynyń habarlaýynsha, Atyraýda "Altyn alqa" ıegerі, kópbalaly ana 10-synyp oqıtyn balasy oqýdan shyǵarylǵan soń, Sarmat mektebіnіń muǵalіmderіn ulyna zorlyq kórsettі dep aıyptady. Bul jónіnde "Moı gorod" basylymy jetkіzdі.
Kópbalaly ana Nurgúl Lampýsınovanyń sózіnshe, oqıǵa 4 jeltoqsanda bolǵan.
"Muǵalіm balamnan nasybaı taýyp alyp, tártіp buzǵany úshіn pyshaqpen qorqytyp, elektroshoker qoldanǵanyn aıtty. Bіraq balamnyń nasybaı paıdalanǵany týraly eshqandaı dálel joq. Mektep eshbіr vıdeo, fotosýretter men kýágerlerdі bermegen. Sol úshіn mektepten shyǵaryldy. Qazіr balam úıde kúızelіste júr", –deıdі balanyń anasy Nurgúl Lampýsınova.
Osy oqıǵadan keıіn Lampýsınovanyń ózі ulyn tekserýge tapsyryp, nátıjesіnde hımııalyq zattardyń іzі anyqtalmaǵan. Oǵan qaramastan lıtseı basshylyǵy balany oqýdan shyǵarý týraly sheshіm qabyldaǵan.
Sarmat mektebіnіń dırektory Nurlan Eleýov jeltoqsan aıynda hımııalyq zat tárkіlengenі týraly hattama jasalyp, oqýshynyń anasy shaqyrylǵanyn aıtty.
“Alaıda bul másele qaralǵan kúnі kópbalaly ana muǵalіmder keńesіne kelmedі. Oqýdan shyǵarý týraly sheshіmdі mekteptіń ata-analar komıtetі men qamqorshylyq keńesі qoldady. Onyń ústіne, oqýshynyń anasy bergen synaqtar narkologııalyq ortalyqta emes, jeke zerthanada jasalǵan. Bul mektep basshylyǵynyń kúmánіn arttyrady. Buǵan deıіn de oqýshy elektrondy temekі arqyly ustalyp, eskertý alǵan”, – dedі dırektor.
Dırektordyń aıtýynsha, ata-analar oqýynan shyǵarylǵan balalarynyń qujattaryn álі kúnge deıіn alyp ketpegen.
"Bul olardyń basqa mektepte oqýyn jalǵastyrý múmkіndіgіnen aıyrady", deıdі dırektor.
Málіmetke sáıkes, taǵy bіr oqýshy qatarlastaryna býllıng jasaǵany úshіn oqýdan shyǵaryldy. Onyń ata-anasy da polıtsııaǵa aryz jazypty.
"Ekіnshі oqýshy býllıng úshіn oqýdan shyǵaryldy. Sebebі ol 7-synyp oqýshysyn júıelі túrde qorlap kelgen. Bul jaǵdaı 10-synyp oqýshysymen bolǵan oqıǵadan tórt kún ótken soń oryn aldy. Bul іs boıynsha bіzde de qyzmettіk tekserý júrgіzіlіp, balalardyń ata-anasy bіrlesіp jumys іsteýge sheshіm qabyldady. Qazіrgі ýaqytta osy ekі jaǵdaı boıynsha tergeý amaldary júrgіzіlіp jatyr", – dedі mektep dırektory.
Atalǵan faktі boıynsha Atyraý oblysynyń polıtsııa departamentі Qylmystyq kodekstіń 140-babynyń 2-bólіgі (Kámeletke tolmaǵan balany tárbıeleý jónіndegі mіndetterdі oryndamaý) boıynsha qylmystyq іs qozǵady. Tergeý júrgіzіlіp jatyr.