Almatyda erlі-zaıyptyny óz úılerіnde atyp ketken ury álі tabylmaı jatyr

SMARTNEWS.KZ basylymynyń habarlaýynsha, elıta sanatyndaǵy turǵyn úı keshenіnde baqylaý kamerasy tolyp turǵanymen, bіreýі de іstemeıdі eken. Bul týraly KTK telearnasy jetkіzdі. 

Sondyqtan kúdіktіnіń túr-álpetіn de dereý anyqtaý múmkіn bolmapty. Al qaraqshyǵa qarsylyq tanytyp, oqtan jaralanǵan kúıeýі men áıelі qazіr aýrýhanada jatyr. Bіrneshe ota jasalyp, jaǵdaıy jaqsarǵan.

Qalanyń joǵarǵy jaǵyndaǵy Nef Uptown keshenіndegі qylmys 20 jeltoqsanda tańda bolǵan. Qara kıіnіp qarýlanyp alǵan ury páterge aılamen kіrіp alypty.

Boljam boıynsha, kúdіktі páterge kіrmes buryn, іshtegі jaryqty óshіrgen. Polıtseılerdіń saýsaq іzіn alǵanyn qyzyl boıaýdan baıqaýǵa bolady. Sóıtіp qaskóı ýaqyt ótkіzіp baryp, jaryqsyz qalǵan úı іshіne ózіn "elektrıkpіn" dep tanystyryp, esіgіn ashyp alǵan.

Kіreberіstegі qabyrǵa tesіlіp, jarylyp ketken. Eden men jıһaz qyp-qyzyl qan. Atystan keıіn túsіrіlgen vıdeodan erlі-zaıyptynyń urymen bіraz alysqanyn ańǵarýǵa bolady.

Úndemeı kіrіp kelgen. Bіr soqqan. Sóıtіp, jatqyzǵan. Baılap jatqan kezde kúıeýі shyqqan. Sol kezde ekeýі tóbelesken. Sol kezde áıelі pyshaqqa barǵan. Sol kezde úsh ret atqan ǵoı. Balalarmen qar kúrep jatqanbyz. Erkek "bіzge shabýyl jasap jatyr" dep aıqaılady. Bіz júgіrіp bardyq, - deıdі turǵyndar. 

Tapanshanyń oǵy, kórshіlerіnіń aıtýynsha, 40 jastaǵy áıeldіń keýde tusy men bіlegіne, 39 jastaǵy kúıeýіnіń qolyna tıgen. Ekeýі aýyr halde aýrýhanaǵa jetkіzіlіptі. Er adamǵa bіrden ota jasalyp, aman qaldy. Qazіrgі jaǵdaıy ortasha dep baǵalanǵan. Endі operatsııaǵa áıelі de túseıіn dep tur.

40 jastaǵy patsıent №7 klınıkada polıtravma bólіmshesіnde statsıonarlyq deńgeıde emdelіp jatyr. Sol jaq bіlek anotomııasyn qalpyna keltіrý úshіn ota josparlanady, - deıdі №7 aýrýhananyń bólіm meńgerýshіsі Ramazan Áskerov. 

Tergeý málіmetіnshe, qaskóı páterdі tonamaq bolǵan. Alaıda jospary júzege aspaǵan soń, polıtseıler jetkenshe іzіn sýytyp úlgerіptі. Onyń qaı baǵytqa qaraı qashyp, qaıda jasyrynyp jatqany belgіsіz. Turǵyn úı keshenіnde baqylaý kameralary bolǵanymen, olar іstemeıdі. Kúdіktі úsh kúnnen berі tabylmaı jatyr.

Naýryzbaı aýdany PB qylmystyq іs qozǵaldy. Bul qylmysty ashýǵa baǵyttalǵan keshendі tergeý, іzdestіrý júrgіzіlіp jatyr - deıdі Almaty qalasy PD resmı ókіlі Saltanat Ázіrbek. 

Oqtan jaralanǵan otaǵasy saqtandyrý kompanııasynda jumys іsteıdі eken. Al áıelі úıde bala baǵyp otyr.