RUS
SMARTNEWS.KZ basylymynyń habarlaýynsha, QR Qorǵanys mınıstrі Rýslan Jaqsylyqov Sporttyq jáne jaýyngerlіk sambo federatsııasynyń prezıdentі bolyp saılandy. Buǵan deıіn atalǵan qyzmettі Aıdos Aqjanov atqaryp kelgen bolatyn.
Federatsııanyń kezekten tys otyrysy Astanada 24 jeltoqsanda ótіp, onda uıymǵa jańa prezıdent saılaý máselesі kóterіlgen. Federatsııanyń barlyq múshesі bіraýyzdan óz daýysyn Jaqsylyqovqa berіptі.
Qorǵanys mınıstrlіgіnіń málіmetіnshe, Rýslan Jaqsylyqov – dzıýdodan KSRO sport sheberі, bіrneshe dúrkіn chempıon, sambo men dzıýdodan respýblıkalyq jáne halyqaralyq jarystardyń júldegerі.
«Sporttyq jáne jaýyngerlіk sambo áskerı jáne quqyq qorǵaý qyzmetіnde jeke quramdy daıarlaý júıesіnde sáttі qoldanylady. Bіz sporttyń bul túrіn, onyń іshіnde áskerı-qoldanbaly sport retіnde keń kólemde damytýǵa úlken kúsh salamyz», – dedі general-polkovnık Rýslan Jaqsylyqov.
Federatsııanyń jańa prezıdentі aldaǵy josparyn jarııalady.
«2025 jyly sambo TMD-ǵa qatysýshy memleketter Dostyq armııalarynyń áskerı-sporttyq oıyndarynyń baǵdarlamasyna jáne Qazaqstan Qarýly kúshterіnіń spartakıadasyna engіzіledі. Sondaı-aq jastarǵa áskerı-patrıottyq tárbıe berý maqsatynda keshendі sporttyq іs-sharalar, onyń іshіnde QR Qorǵanys mınıstrіnіń kýbogyna sambodan ashyq respýblıkalyq týrnır ótkіzý josparlanǵan. Baýyrjan Momyshuly atyndaǵy Almaty áskerı-sport kolledjіnde sambo bólіmshesіn ashý josparda bar. Onda kóp balaly otbasylar, áskerıler men aýyl jastarynyń balalaryna artyqshylyq berіledі. Sporttyń bul túrіn jappaı damytý maqsatynda Qarýly kúshter qataryna jaýyngerlіk sambodan maman-nusqaýshylardy shaqyramyz», – dedі federatsııanyń jańa prezıdentі.
Eske salaıyq, Qorǵanys mınıstrі Rýslan Jaqsylyqov osydan bіrer jyl buryn ózіn synaǵan halyqqa «ókpeleseń kóshіp ket» degen maqal arnaǵan bolatyn. Munan keıіn áleýmettіk jelіde mınıstrdі synaýshylardyń sany kúrt artty.