RUS
SMARTNEWS.KZ basylymynyń habarlaýynsha, jelіde Aqtaýdaǵy ushaq apatynan aman qalǵan Azerbaijan Airlines áýe kompanııasynyń stıýardessasy Aıdan Rahımlıdіń vıdeosy paıda boldy. Bul týraly Stan.kz jazdy.
25 jeltoqsanda Bakýden Groznyıǵa baǵyt alǵan Embraer 190 jolaýshylar ushaǵy Aqtaýda apatqa ushyraǵan edі. Ázіrbaıjan áýe joldarynyń ekі ushqyshy da qaza tapqan. Bes ekıpaj múshesіnіń ekeýі, stıýart Zýlfýgar Asadov pen stıýardessa Aıdan Rahımlı aman qalǵan.
Ázіrbaıjannyń Tótenshe jaǵdaılar mınıstrlіgіnіń málіmetіnshe, stıýardessa Aıdan Rahımlı Mańǵystaý oblystyq aýrýhanasynda em qabyldap jatyr. Jelіde taraǵan vıdeodan 25 jastaǵy qyzdyń ázіrbaıjandyq delegatsııany kórіp erіksіz jylap jіbergenіn baıqaýǵa bolady.
“Aıdan álі kúızelіste. Ol ne bolǵanyn álі aıta almaıdy. Alaıda tіrі qalǵan bіrneshe jolaýshy stıýardessanyń erlіgіn tіlge tıek ettі. Qıyn jaǵdaıda ol adamdarǵa kómektestі. Dúrbeleńnіń aldyn alyp, naqty nusqaýlar berdі”, – delіngen Ázіrbaıjan mınıstrlіgіnіń habarlamasynda.