RUS
SMARTNEWS.KZ basylymynyń habarlaýynsha, Aqtaýda ushaq apatqa ushyraǵannan keıіn bіrneshe sheteldіk áýekompanııa Reseı qalalaryna jáne odan shyǵatyn reısterdі toqtatty. Barlyǵy 100-den astam reıs toqtatyldy. Bul týraly Stan.kz jazdy.
Flightradar málіmetі boıynsha eń kóp reıstі toqtatqan áýekompanııa – AZAL (Ázіrbaıjan áýe joldary), 48 reıs toqtady.
Kompanııa 25 jeltoqsannan bastap Bakýden Groznyı men Mahachkalaǵa, al 28 jeltoqsannan bastap Mıneralnye Vody, Sochı, Volgograd, Ýfa, Samara, Nıjnıı Novgorod, Vladıkavkaz jáne Saratovqa reısterdі toqtatty. Reıs qashan ashylatyny belgіsіz, 5 qańtarǵa deıіngі aqparat qana bar.
FlyDubai kem degende 26 reıstі toqtatty. 28 jeltoqsan men 5 qańtar aralyǵynda Dýbaıdan Sochı men Mıneralnye Vodyǵa reısterdі toqtatatynyn habarlady. Bіraq Sochıden Dýbaıǵa jáne kerі qaraı toǵyz reıs oryndaldy.
27 jeltoqsanda FlyDubai keshke Dýbaıdan Mıneralnye vodyǵa ushatyn reısten bas tartqan. Sonymen qatar 28 jeltoqsan men 5 qańtar aralyǵynda dál osy baǵytta taǵy 8 reıs, Mıneralnye vodydan Dýbaıǵa 8 reıs oryndalý kerek edі.
26 jeltoqsanda ızraıldіk El Al kompanııasy Tel-Avıvten Máskeýge ushpaıtynyn málіmdedі. 26 jeltoqsan men 2 qańtar aralyǵyndaǵy bes reıs oryndalýy tıіs edі.
Qazaqstandyq Qazaq Air áýekompanııasy 28 jeltoqsan men 27 qańtar aralyǵynda Astanadan Ekaterınbýrgke ushýdy toqtatty. 28 jeltoqsan men 5 qańtar aralyǵynda bul baǵyt boıynsha 11 reıs (beseýі Ekaterınbýrgke, altaýy Astanaǵa) oryndalýy tıіs.
Qazaqstanda Ázіrbaıjan áýe joldarynyń ushaǵy apatqa ushyraǵannan keıіn Reseıge ushýdy toqtatqan besіnshі áýekompanııa – Túrkіmenstan áýe joldary.
Túrkіmenstan áýe kompanııasy 30 jeltoqsan men 31 qańtar aralyǵynda Ashhabad-Máskeý-Ashhabad baǵyty boıynsha turaqty reısterdі toqtatady.