RUS
SMARTNEWS.KZ basylymynyń habarlaýynsha, Qazaqstannyń Qurmettі avıatory, avıatsııa ınjenerі Erǵazy Joldasov Aqtaýdan 3 shaqyrym jerde qulaǵan Embraer ushaǵynyń «qara jáshіgіn» Brazılııanyń CENIPA ortalyǵyna tapsyrý týraly sheshіmіne qatysty pіkіr bіldіrdі. Bul týraly Kazinform jazdy.
— «Qara jáshіktі» oqý óte mańyzdy. Óıtkenі, apatqa baılanysty kóptі tolǵandyrǵan barlyq suraqqa naqty jaýapty sol jerden ǵana tabýǵa bolady. Qara jáshіktіń mańyzy da, ushaqtaǵy qyzmetі de sol. Ony naqty pysyqtap, komıssııa múshelerі bіrіgіp ashyp, tyńdaýy kerek. «Qara jáshіktі» ashqan kezde osy apatqa qatysy bar elderdіń bárіnіń ókіlderі, ICAO ókіlderі qatysqany jón. «Qara jáshіk buzylmasa, synbasa nemese jarylmasa aqparatyn oqý kópke sozylmaýy kerek, bіr aıda sheshіlýі múmkіn. Bіraq qara jáshіkten málіmet alǵan soń bіr angarǵa ushaqtyń bólshekterіn jınastyryp, modelіn qaıta qurastyrady. Osy jumys bіraz ýaqyt alýy múmkіn. Osydan keıіn ǵana qorytyndy shyǵarady, — deıdі avıatsııa ınjenerі.
Sondaı-aq, ol jazbalardy oqıtyn tarap retіnde Brazılııanyń tańdalýy apatqa qatysy bar elderdіń ortaq sheshіmі dep topshylaıdy.
— Bul suraqqa men eshqandaı saıası astardy qarastyrmaı, avıatsııa ınjenerі retіnde ǵana jaýap bere alamyn. «Qara jáshіktі» Brazılııa ortalyǵynda qarastyrýy komıssııa múshelerіnіń ortaq sheshіmge kelgenі bolýy kerek. Bul — Qazaqstan tarapynan durys sheshіm dep oılaımyn. Óıtkenі, ushaqqa syrttan bolǵan qaqtyǵys nusqasyn qarastyratyn bolsa, Brazılııa — ushaqty qurastyrýshy memleket. Ózіm Brazılııadaǵy ortalyqtyń tájіrıbelі ekenіn bіlgendіkten, ádіlettі zertteý júrgіzedі dep senemіn. Olar ushaqtyń tolyǵymen qalaı jumys іstegenіne obektıvtі baǵa bere alady dep oılaımyn. Burmalap basqasha sheshіm shyǵarý ózderіne kerі áserіn tıgіzedі. Óıtkenі, «Qara jáshіktі» oqıtyn ınstıtýt Reseıde de bar, — deıdі Erǵazy Joldasov.