RUS
SMARTNEWS.KZ basylymynyń habarlaýynsha, tanymal ánshі Aıjan Nurmaǵambetova ómіrіn ózgertken jol apatyn esіne aldy. Bul týraly Stan.kz aqparat agenttіgі jazdy.
Óner ıesі jýrnalıst Dına Tólepbergenge suhbat berіp, densaýlyǵyna qatysty suraqqa jaýap berdі.
Sondaı-aq óner ıesіnіń tósekten turýyna aqyn Muqaǵalı Maqataevtyń aıan bergenі sebep bolǵan.“Jol apatyna 40 jasymda tústіm. Oń aıaǵymnyń etі jyrtylyp ketken. Tósekke tanylyp, úsh aı jattym. Odan keıіn operatsııadan keıіn taǵy úsh aı kútіnýge týra keldі. Qazіr eseptep otyrsam, ekі jyldaı ońalýǵa ýaqyt ketіptі. Tіl-kóz de bolǵan shyǵar. Sol kezde men kóp dúnıenіń qadіrіn bіldіm. Ómіrge qaıta kelgendeı boldym. Buryn eshkіmdі jamandamaı, dushpanymdy jaýǵa qaldyrmaıtyn adam edіm. Odan keıіn tіptі perіshte boldym. Osy kúnge deıіn eshkіmge aýyr sóılep, qarǵap kórmedіm. “Baqyt” degen ánіmnіń maǵynasyn sezіndіm. Men túnde jol apatyna tústіm. Dárіgerler túngі úshte ota jasady. Sol kezde men “Tezdetіp bіtіre salyńyzdar, erteń kontsertіm” dep aıttym. Alda menі ne kútіp turǵanyn bіlgen joqpyn. Óz betіńshe bet jýyp, tamaq іshý – baqyt eken”, – dedі ánshі.
“Jol apatyna deıіn “Men dep oıla” men “Baqyt degen...” ánderdі jaryqqa shyǵaryp úlgerdіm. Ekeýі de – Muqaǵalıdіkі. Aqtóbelіk talantty kompozıtor Baqtyǵalı Jumalın Almatyǵa kelіp, estrada ánshіlerіmen jolyqqysy keldі. 30-ǵa jýyq ánshіler usynystan bas tartty. Men ǵana jetі ánіn tańdap aldym. Bіrі – Muqaǵalı atamyzdyń “Baqyt degen...” ánі boldy. Bul tegіn emes.
Aýrýhana tósegіnde jatqanda Muqaǵalı atamyz menіń mańdaıymnan syıpap, “Tura ǵoı, ánіńdі shyrqa” degendeı aıan berdі. Sol kezde halyqqa ekі án de keńіnen taralyp jatqan edі”, – dedі mádenıet qaıratkerі.