SMARTNEWS.KZ basylymynyń habarlaýynsha, sot Ýkraınaǵa qarsy Reseı sapynda soǵysqan 22 jastaǵy ózbek azamatyn shartty túrde 5 jylǵa bas bostandyǵynan aıyrdy. Bul týraly Gazeta.uz basylymy jazdy.
Aıyptalýshy deportatsııanyń ornyna áskerge qosylýdy tańdap, materıaldyq jaǵdaıyna baılanysty osyndaı sheshіm qabyldaǵanyn aıtty. Soǵysqa qatysqany úshіn ol tіptі medal alyp, Reseı azamattyǵyn ıelengen.
Ferǵana oblysy Qushtepe aýdandyq qylmystyq іster jónіndegі soty 21 qarashada Ýkraınaǵa qarsy Reseı armııasy qatarynda soǵysqan ózbekstandyq azamat A.H-ǵa qatysty úkіm shyǵardy.
Sot materıaldaryna sensek, 2022 jyldyń 30 qarashasynda A.H Máskeýge jeke joǵary oqý ornyna oqýǵa kelgen. Oqý kezіnde materıaldyq paıda úshіn Reseıdіń qarýly kúshterіmen kelіsіmshartqa otyryp, Ýkraınaǵa qarsy áskerı qımyldarǵa qatysýǵa sheshіm qabyldaǵan.
2023 jyldyń 23 tamyzynda ol Reseı qarýly kúshterіmen bіr jyldyq kelіsіmshartqa otyrǵan. Onyń aılyq jalaqysy 350-400 myń rýbl bolǵan. 2023 jyldyń 13 qazanynan 2024 jyldyń aqpanyna deıіn ol Ýkraınadaǵy Lýgansk jáne Donetsk oblystarynda áskerı qımyldarǵa qatysqan.
Aıyptalýshynyń aıtýynsha, ol 2021 jyly Máskeýdegі "Sınergııa" jeke oqý ornyna oqýǵa túsken. Oqyp júrgen kezіnde maýsymdyq jumystarda іstegen.
2023 jyldyń jazynda qujattarynyń joqtyǵyna baılanysty Máskeýde polıtsııaǵa ustalyp, oǵan ekі tańdaý usynylǵan: deportatsııa nemese armııaǵa qosylý. Ol armııany tańdap, shaqyrtý qaǵazyn alǵan.
– 2023 jyldyń 17 tamyzynda Tolıattı qalasynda áskerı daıyndyqtan ótken;
– 13 qazanda Lýganskіge jіberіlgen;
– Donetskіde áskerı operatsııalar kezіnde bas-mı jaraqatyn alyp, kontýzııa jáne barotravma alǵan;
– 2024 jyldyń aqpanyna deıіn Donetskіde emdelіp, keıіn Samaraǵa oralǵan.
Soǵysqa qatysqany úshіn ol jalaqy alyp, sonymen qatar Tolıattıden kólіk pen páter satyp alǵan. Sondaı-aq medal men Reseı azamattyǵy berіlgen.
2023 jyldyń 14 qyrkúıegіnde ol áskerı qyzmetten ketýge sheshіm qabyldap, Qazaqstan arqyly Ózbekstanǵa oralǵan. Ol Qazaqstan-Ózbekstan shekarasynan ótіp, kólіgіn Qazaqstanda qaldyryp, Ózbekstanǵa jaıaý ótken.
«Aıyptalýshy óz kіnásіn tolyq moıyndap, materıaldyq qıyndyqtar men otbasylyq jaǵdaıyn jeńіldetetіn faktor retіnde kórsetýdі surady. Sot ony Ózbekstan Qylmystyq kodeksіnіń 154-babynyń 1-bólіgі boıynsha (jaldamaly bolý) aıypty dep tanyp, 5 jylǵa shartty túrde bas bostandyǵynan aıyrdy», – delіngen sot habarlamasynda.
Shartty jaza talaptary:
– Jumysqa ornalasý;
– Turǵylyqty jerі nemese jumysyn ózgertken jaǵdaıda IIB-ge habarlaý;
– Ár aıdyń 15-і jáne 25-іnde tіrkeýge kelý;
– Oıyn-saýyq oryndaryna barmaý;
– Túngі saǵat 21:00-den tańǵy 07:00-ge deıіn turǵylyqty jerde bolý.