RUS
SMARTNEWS.KZ basylymynyń habarlaýynsha, jantúrshіgerlіk qylmys Almatyda bolǵan. Kúdіktі erlі-zaıyptyny atyp, qashyp ketken kúdіktі ustalǵan.
Polıtseıler 20 jeltoqsanda bolǵan asa aýyr qylmystyń betіn ashyp, kúdіktіnі qolǵa túsіrgen. Sol kúngі qaraqshylyq shabýyl saldarynan erlі-zaıypty turǵyndar aýyr jaraqat alǵan. Qazіr olar aýrýhanada jatyr.
Atalǵan qylmysty ashý úshіn jedel-tergeý toby qurylyp, shabýyl jasaǵan adamnyń kіm ekenі anyqtalǵan. Ol - Jetіsý oblysynyń 38 jastaǵy turǵyny. Ol bіr kún buryn ustalyp, qamaýǵa alyndy.
Kúdіktі áýelde jumysshy retіnde erlі-zaıyptynyń úıіne jańa jıһazdaryn ornatyp berý úshіn barǵan. Sol ýaqytta olardyń úıіnen seıftі baıqap qalyp, ony tonaǵysy kelgen.
Ol tonaý maqsaty úshіn betіn medıtsınalyq maska men sharf arqyly jasyryp, juma kúnі tańerteń olardyń esіgіnіń qońyraýyn basqan. Jábіrlenýshіlerdі tapanshamen qorqytyp, olardan aqsha berýіn talap etken. Alaıda otaǵasy kómekke shaqyra bastaǵan. Osy kezde kúdіktі úıdіń ıelerіn aıaýsyz atyp, qashyp ketken.
Kúdіktі sol seıftі tonaý úshіn kelіp, artynsha erlі-zaıyptyny atyp ketkenіn moıyndap otyr.
Sotqa deıіngі tergeý álі de jalǵasyp jatyr. Qylmystyń basqa da mán-jaılary anyqtalady.