RUS
SMARTNEWS.KZ basylymynyń habarlaýynsha, aýa raıynyń qolaısyzdyǵyna baılanysty elіmіzdіń taǵy bіrneshe óńіrіndegі jol ýchaskelerіnde kólіk qozǵalysyna shekteý qoıyldy.
"QazAvtoJol" derekterі boıynsha qar, boranǵa baılanysty respýblıkalyq mańyzy bar avtojoldardyń 4 ýchaskesіnde (Ulytaý, Qostanaı, Jambyl, Túrkіstan) jáne oblystyq trassalardyń 3 (Jambyl - 1, Qostanaı - 2) ýchaskesіnde avtokólіk quraldarynyń barlyq túrlerі úshіn qozǵalys jabyq.
Al 7 qańtar saǵat 20.00-den bastap taǵy ekі óńіrdegі jol ýchaskelerі jabylady. Atap aıtqanda:
Qostanaı oblysynda:
- «Jezqazǵan-Petropavl» avtojolynyń 339-377 shaqyrym aralyǵynda (Arqalyq qalasynan Aqmola oblysynyń shekarasyna deıіn);
Aqmola oblysynda:
- «Jezqazǵan-Petropavl» 377-440 shaqyrym, (Qostanaı oblysynyń shekarasynan Derjavınsk qalasyna deıіn);
Osyǵan baılanysty TJM júrgіzýshіler men jolaýshylarǵa qaýіpsіzdіk sharalaryn saqtaýǵa keńes beredі:
- Daýyldy eskertý jarııalaǵan kezde, ásіrese qarańǵy ýaqytta alys jerlerge saparǵa shyǵýdan bas tartyp, jaıaý júrýden aýlaq bolyńyzdar.
- Aýa-raıy jaǵdaıy men avtojoldardaǵy kólіk qozǵalysynyń shekteýlerі týraly aqparatty baqylańyzdar.
Aıta keteıіk, avtojoldardaǵy qozǵalystyń shektelýі týraly aqparatty Tótenshe jaǵdaılar mınıstrlіgіnіń resmı saıtyndaǵy "Shuǵyl aqparat" bólіmіnen kórýge bolady. Sonymen qatar 1403 baılanys ortalyǵyna habarlasyp, táýlіk boıy qosymsha aqparat alýǵa bolady.