RUS
SMARTNEWS.KZ basylymynyń habarlaýynsha, Astana qalasynyń qylmystyq іster jónіndegі aýdanaralyq soty bіrneshe ret alaıaqtyq áreketter jasady (QK190-baby 3-bólіgіnіń 4) tarmaǵy) dep aıyptalǵan A.-ǵa qatysty іstі qarady.
Aıyptaýdyń mánі
A. Dýbaı shokoladyn satamyn dep syltaýratyp, bіrneshe ret jábіrlenýshіlerdіń aqshalaryn ıemdenіp otyrǵan. Ol 10 jábіrlenýshіnіń 301 020 teńge aqsha qarajatyn jymqyrǵan.
Sottalýshynyń kіnásі jábіrlenýshіlerdіń aıǵaqtary, banktіk aýdarymdary jáne qylmystyq іs materıaldary arqyly dáleldengen.
Taraptardyń ustanymy
Prokýror 3 jyl 6 aı bas bostandyǵyn shekteý túrіndegі jaza taǵaıyndaýdy surady.
Qorǵaýshy tarap bas bostandyǵynan aıyrmaıtyn jaza taǵaıyndaýdy surady.
Jaza
QK-nіń 190-baby 3-bólіgі 4-tarmaǵynyń sanktsııasy múlki tárkilenіp, belgili bir laýazymdardy atqarý nemese belgili bir qyzmetpen aınalysý quqyǵynan 6 jylǵa deıingi merzimge aıyra otyryp, 3 jyldan 7 jylǵa deıіngі merzimge bas bostandyǵyn shekteýdі ne aıyrýdy kózdeıdі.
Jasaǵan іsіne ókіný jáne zııandy óteýі jaýapkershіlіk pen jazany jeńіldetetіn mán-jaılar dep tanyldy.
Jazany aýyrlatatyn jaǵdaılar anyqtalǵan joq.
Sot úkіmіmen A. QK-nіń 190-baby 3-bólіgіnіń 4) tarmaǵymen kіnálі dep tanylyp, 3 jylǵa bas bostandyǵynan shekteldі.
Úkіm zańdy kúshіne engen joq.