RUS
SMARTNEWS.KZ basylymynyń habarlaýynsha, Shymkentte «neotáńіrshіldіktі» nasıhattaǵan turǵyn jazalandy. Bul týraly Shymkent sottarynyń Telegram-daǵy arnasy jazdy.
Shymkent qalasynyń qylmystyq іster jónіndegі aýdanaralyq sotynda K.-ǵa qatysty qylmystyq іs aıaqtaldy. Ol Qylmystyq kodekstіń 174-baby 1-bólіgі (dіnı alaýyzdyqty qozdyrýǵa baǵyttalǵan qasaqana áreketterdі jasaý) boıynsha aıyptalǵan.
Turǵyn 2023 jyldyń tamyz aıy men 2024 jyldyń qyrkúıek aıy aralyǵynda TikTok áleýmettіk jelіsіndegі óz paraqshasynda «neotáńіrshіldіk» dіnіne qatysty «strım» tіkeleı habarlaryn ótkіzіp, áleýmettіk jelіsіn qoldanýshylar arasynda ıslam dіnіn ustanýshylarǵa qarsy dіnı alaýyzdyqty qozdyrýdy negіzdeıtіn oılaryn jarııa jasaǵan.
Sottalýshynyń kіnásі іs boıynsha jınaqtalǵan dáleldemelerdіń jıyntyǵy arqyly tolyq dáleldenedі. Prokýror sottalýshyǵa bas bostandyǵynan aıyrý jazasyn taǵaıyndaýdy surady. Al turǵyn kіnásіn moıyndamaı, ózіn aqtaýdy ótіndі.
«Sot K.-ǵa jaza taǵaıyndaýda qylmystyq jaýapkershіlіgіn jeńіldetetіn jáne aýyrlatatyn mán-jaılar anyqtamaǵanyn, sonymen qatar, sottalýshynyń jasaǵan іs-áreketterіne ókіnіsh bіldіrmegenіn eskerdі. Sot K-ny Qylmystyq kodekstіń 174-baby 1-bólіgі boıynsha kіnálі dep tanyp, túpkіlіktі 2 jyl merzіmge bas bostandyǵyn shekteý jazasyn taǵaıyndady», - delіngen habarlamada.
Sot úkіmі zańdy kúshіne engen joq.