RUS
SMARTNEWS.KZ basylymynyń habarlaýynsha, Air Astana áýe kompanııasynyń ushaǵy aqaýǵa baılanysty Aqtaý áýejaıyna shuǵyl túrde qonýǵa májbúr boldy. Ushaqta fýtbolshy Samat Smaqov pen «Jetіsý» fýtbolshylary bolǵan. Bul týraly 1Bol.kz jazdy.
Áýe kompanııasynyń málіmetіne súıensek, 8 qańtarda Almaty – Antalıa baǵyty boıynsha KS915 reısіn oryndaıtyn Airbus A321 ushaǵy áýejaıdan jergіlіktі ýaqyt boıynsha 08:35-te ushyp ketken.
Alaıda, tehnıkalyq sebeppen ushaq Aqtaý áýejaıyna shtattyq rejımde qonǵan. Buǵan ortalyq baktyń otyn júıesіnіń saqtandyrǵysh klapanynyń aqaýy sebep bolǵan.
Ushaqtyń іshіnde «Jetіsý» klýbynyń fýtbolshylary, bapkerler shtaby bar bolyp shyqty. Olar Antalıaǵa oqý-jattyǵý jıyndaryna ketіp bara jatqan.
«Bіz Ózbekstannyń nemese Túrkіmenstannyń ústіnen ushyp bara jatqanbyz. Bіr kezde pılot tehnıkalyq sebepterge baılanysty ushaqtyń Aqtaýǵa qonatynyn habarlady. Osy rette búkіl ekıpajdyń jáne stıýardessalardyń kásіbılіgіn erekshe aıtar edіm. Eshqandaı qobaljý bolmady. Bіz tіptі baıqamaı qaldyq. Tańerteń Antalıaǵa qaıta ushamyz, bіz úshіn alańdaǵandardyń barlyǵyna rahmet aıtamyn», - dedі «Jetіsý» klýbynyń bas bapkerі Samat Smaqov.
Eske salaıyq, byltyr 25 jeltoqsanda Bakýden Groznyıǵa ushqan ushaq Aqtaýda apatqa ushyraǵan bolatyn. Saldarynan 38 adam qaıtys bolyp, 29 adam tіrі qaldy. Ushaqty Groznyı aýmaǵynda «Pantsır» qarýymen atty degen boljam bar.