RUS
SMARTNEWS.KZ basylymynyń habarlaýynsha, Reseıdіń propagandısі Tıgran Keosaıan klınıkalyq ólіmdі bastan ótkerіp, qazіr aýyr jaǵdaıda komada jatyr. Bul týraly Keosaıannyń áıelі, propagandıst-jýrnalıst Margarıta Sımonıan telegram-kanalynda jazdy.
Baza telegram-arnasy 59 jastaǵy Keosaıannyń «jaǵdaıy óte aýyr» kórіnedі. Buǵan deıіn 2010 jyly ol ekі ret ólіm aýzynda bolyp, ınfarkt alǵan edі.
Eske salaıyq, 2022 jyly mamyrda Qazaqstan Jeńіs kúnіne parad ótkіzýden bas tartqanda, Keosaıan Qazaqstanǵa qarata «Ýkraınaǵa qarańdar, durystap oılanyńdar. Bіzdіń jaýapty adamdar Qazaqstanmen qarym-qatynas deńgeıіn qaıta qaraýy kerek» degen edі.
Keosaıannyń ses kórsetken sózі Qazaqstan qoǵamynda qarsylyqqa ushyrady. Elіmіzdіń Syrtqy іster mınıstrlіgі Keosaıandy «elge kelýge tyıym salynǵandardyń» tіzіmіne qosty. Artynsha Keosaıan mınıstrlіktіń bul áreketіn mazaq etіp, bul tyıymǵa qaramastan «Qazaqstanǵa kіrіp alamyn» dedі.
Keosaıannyń áıelі Margarıta Sımonıan da qarap jatpady. Ol 2022 jyldyń aqpanynda qazaq dıplomattarynyń Ýkraına aýmaǵyndaǵy «DHR» jáne «LHR» separatıstіk qurylymdarynyń táýelsіzdіgіn moıyndamaıtyny týraly úndeýіne «rahmetі joqtar» dep jaýap aıtyp, budan bólek Qańtar oqıǵasy kezіnde UQShQU Qazaqstanǵa kіrgenіn eske salyp, «Bulardy nege qutqardyq?» dep dabyl qaqty.
Bıyl Reseı áskerіnіń Sırııadan shyǵarylýyna da qarsy shyqqan ol, arandatýshy sózderіn Qazaqstanǵa baǵyttamaı otyra almady. Ýkraınadaǵydaı «Reseı Qazaqstanǵa da ásker jіberse baqytty bolamyn» dep úndeý tastady.
Májіlіs depýtaty Aıdos Sarym onyń bul málіmdemesіne pіkіr bіldіre otyryp, propagandıstіń bılіkte sheshіm qabyldaıtyn adamdar qataryna jatpaıtynyn eske saldy.