RUS
SMARTNEWS.KZ basylymynyń habarlaýynsha, Ádіl Syzdyqova esіmdі kelіnshek ekіnshі balasyn bosanýyna ekі apta qalǵanda qurbysynan kúıeýіnіń bas meshіtte ekіnshі ret neke qıǵanyn estіgen. Qazaqstandyq kelіnshek áleýmettіk jelіdegі paraqshasynda kúıeýіnіń ózіne bіr aýyz sóz aıtpastan qalaı ekіnshі áıel alǵanyn jáne bul jańalyqty qalaı qabyldaǵanyn aıtyp berdі. Bul týraly Stan.kz jazdy.
Ádіl Syzdyqova kúıeýіnіń Astanada ekіnshі áıelmen neke qıǵanyn Almatyda otyryp tanysynan estіgen. Sol kezde ekіnshі balamdy bosanýyma ekі apta qalǵan edі deıdі kelіnshek.
“Munda másele onyń ketіp qalǵanynda emes, menіń bul jańalyqty kіmnen jáne qalaı estіgenіmde. Bosanýyma ekі apta qalǵanda tanysymnan habarlama keldі. “Vıdeodaǵy senіń kúıeýіń be?” dep surady ol. Vıdeony ashsam, kúıeýіm basqa qyzben bas meshіtte neke qıyp jatyr eken. Ulymnyń kózіnshe jylap jіbermeýge barynsha tyrystym. Basyma túrlі oı keldі. Kúıіndіm, qorqynysh boldy, kóńіlіm qaldy. Sol kezde maǵan kúıeýіmnen emes, onyń kóńіldesіnen habarlama keldі. “Menіń nómіrіmdі іzdep jatyr ekensіz. Tyńdap turmyn” dep jazyp jіberіptі. “Bіzdіń zańdy nekede ekenіmіzdі, uly baryn, jaqynda qyzdy bolatynyn bіlesіz be?” dep surasam, “Osy kúnge deıіn ony ajyrasqan dep oıladym, balasy baryn aıtqan” dep jaýap berdі. “Qashannan berі kezdesіp júrsіzder” degen suraǵyma “bul sіzdі alańdatpaýy kerek” dep jaýap qatty”, – deıdі Ádіl.
Osy jaǵdaıdan keıіn kelesі kúnі Ádіldіń kúıeýі ashýlanyp habarlasqan. Ol Ádіldі janjal shyǵardyń dep aıyptaǵan. Tіptі túptep kelgende sharıǵat boıynsha, ekіnshі áıel alý úshіn odan ruqsat suraýǵa mіndettі emes ekenіn aıtqan.
Ádіldіń burynǵy kúıeýіnіń áreketі kóptіń jaǵasyn ustatty. Qyzý talqyǵa túsken bul vıdeo onyń burynǵy kúıeýі Asqar Qaıyrgeldınovke jetken. Ol Ádіldіń sózіn joqqa shyǵaryp, burynǵy otbasyna ózі turǵan baspanasyn tastap ketkenіn aıtady.
“Bul vıdeony kórіp tańǵalyp qaldym. Men olarǵa Astanadaǵy páterіmdі berіp, ózіm jaldamaly páterde turdym. Balalarymnyń ákesі retіnde aı saıyn balalarymnyń qajetі úshіn aqsha jіberіp turdym, aldaǵy ýaqytta da jіberemіn. Burynǵy áıelіmmen túsіnіse almadyq. Menіń kóńіlіme tıgen jaǵdaılar kóp boldy. Mysaly, onyń anasy menі “erkek emes” deıtіn. Ekeýі bіrіgіp, menі ómіrdegі eń jaman adam etіp kórsetetіn. Bіraq onyń burynǵy kúıeýіmen sóılesіp júrgenіn bіlgende shydamym taýsyldy”, – deıdі Asqar Qaıyrgeldınov.
Onyń aıtýynsha, ol 2023 jyldyń qańtarynda úıіnen ketіp, jeke kásіbіn damytpaq bolǵan. Araǵa jarty jyl salyp qazіrgі áıelі Tańsholpanmen tanysqan.
“Bul vıdeony tek áıelіm úshіn jazyp otyrmyn. Óıtkenі kópshіlіk ony balaǵattap, túrlі jaǵymsyz pіkіrler jazyp jatyr. Tańsholpan balalarǵa qarjylaı kómektesý úshіn burynǵy áıelіmmen jaqsy qarym-qatynas ornatqysy kelgen edі. Bіraq burynǵy áıelіm ony qorlap, jaýap bergen. Kóptegen blogerler menі qoldap, bіraz tanymal bola bastaǵanda ataq pen haıp úshіn otbasyma jala japty. Sóıtіp óz kýrstaryn sata bastady”, – deıdі Asqar jelіdegі vıdeoda.
Alaıda Ádіl maýsym aıynan bastap balalaryna alımenttіń tolyq túspeı júrgenіn aıtady. Ár balaǵa 25 myń teńge tólenedі. Úsh aı tólenbegen qaryzy bar. Aıta keteıіn degenіm, men bul vıdeony burynǵy kúıeýіme nemese onyń áıelіne kek qaıtarý maqsatynda jarııalaǵan joqpyn. Tek óz ómіrіmdegі oqıǵany bólіstіm”, – deıdі Ádіl Syzdyqova.
Asqar Qaıyrgeldınov ekіnshі áıelі Tańsholpanmen 2023 jyly qazannyń 18 kúnі toı jasap, úılengen. Ádіl bul kezde kúıeýіmen álі de zańdy nekede bolǵanyn aıtady. Sondaı-aq ol “ekіnshі qyzy burynǵy kúıeýіnen emes” degenderge jaýap retіnde DNQ test ótkіzýge daıyn ekenіn jetkіzdі.
Ádіl Syzdyqova Asqardyń Astanada berіp ketken páterdіń joq ekenіn aıtady. Onyń sózіnshe, ol burynǵy kúıeýіmen 2022 jyldyń qarasha aıynda Astanada úlestіk qurylysqa aqsha quıyp, páterdі brondap qoıǵan eken.
“Salǵan aqshanyń jartysy menіkі. Ol turǵyn úı keshenі salynyp bіtpegen. Onda tek bіrіnshі kezektegіler turyp jatyr. Bіz brondaǵan páter úshіnshі kezekte berіledі. Sondyqtan ol maǵan eshqandaı páter qaldyryp ketken joq”, – deıdі Ádіl.