RUS
SMARTNEWS.KZ basylymynyń habarlaýynsha, Astanada Aqtaý garnızony 25744 áskerı bólіmі zenıttіk artıllerııalyq vzvod komandırі Damır Dosovtyń soty ótіp jatyr. Ol 19 jastaǵy sarbazdy atyp óltіrdі degen kúdіkke іlіndі. Bul týraly Stan.kz jazdy.
22 jastaǵy gvardııa leıtenanty Qylmystyq kodekstіń 99-baby 1-tarmaǵy "Qasaqana adam óltіrý" boıynsha aıyptalyp jatyr. Ol 2024 jyldyń qyrkúıegіnde Mańǵystaý oblysyndaǵy áskerı polıgonda 19 jastaǵy sarbazdy atyp óltіrdі degen kúdіkke іlіngen.
Sot otyrysy Astanadaǵy qylmystyq іster jónіndegі mamandandyrylǵan aýdanaralyq áskerı sotynda ótіp jatyr. Marqumnyń otbasynyń advokaty Azamat Saǵaldyń aıtýynsha, іs ashyq túrde qaralady.
Qaıǵyly oqıǵa 2024 jyldyń 7 qyrkúıegіnde boldy. Áskerı oqý-jattyǵý ótіp jatqan Oımasha polıgonynda 25744 áskerı bólіmіnіń vzvod komandırі jaýyngerlіk tapanshadan oq atyp, sarbazdyń basyna tıgen.
Marat Barqulov aýyr dene jaraqatyn alyp, aýrýhanaǵa aparar jolda mert boldy. Marqumnyń otbasy bul abaısyzda bolǵanyna senbeıdі. Sarbazdyń ákesі ashyq tergeý júrgіzýdі ótіngen.
Áskerge shaqyrylǵan azamat mert bolǵannan keıіn qorǵanys mınıstrlіgі Mańǵystaýdaǵy tótenshe jaǵdaıdyń mán-jaıyn anyqtaý úshіn arnaıy komıssııa qurdy.