RUS
FlyArystan-nyń habarlaýynsha, 25 aqpanda áýe kompanııaǵa qatysy joq sebepterge baılanysty (Shymkent áýejaıyndaǵy ushyp-qoný jolaǵy jumysynyń shekteýіne baılanysty) Astana - Shymkent baǵytynda usha almaı qalǵan jolaýshylar janjal shyǵardy, olardyń ekeýі ákіmshіlіk jaýapqa tartylyp, ákіmshіlіk jazaǵa sáıkes, QR 434-babyna jáne 73-baptyń 1-bólіmіne saı (soqqyǵa jyǵylý) aıyppul tóledі. Alaıda kompanııa munymen kelіspeıdі jáne janjal shyǵarǵan jolaýshynyń bárіn jaýapqa tartpaqshy.
"Aýa raıy saldarynan keshіktіrіlgen nemese oryndalmaı qalǵan reıster áýekompanııaǵa qatysy joq sebepterge jatatynyn málіmdeımіz. Jolaýshylar jáne ekıpaj qaýіpsіzdіgі bіzdіń basty prıorıtetіmіz bolyp sanalady; al reıstіń keshіktіrіlýі nemese oryndalmaýy jaıly sheshіm halyqaralyq áýe qaýіpsіzdіgіne saı qabyldanady. Ókіnіshke qaraı, reıstіń oryndalmaýy týraly sheshіm keıbіr jolaýshylar arasynda narazylyq týdyryp, olar áýekompanııa qyzmetkerlerіne qatty sóz aıtyp, olardy qorqytyp, sonymen qatar qyzmetkerlerge qol kótergenіn habarlaımyz. Atalmysh іsterі úshіn jolaýshylardyń ekeýі ákіmshіlіk jazaǵa tartyldy. Osyndaı jaǵdaı qaıtalanatyn bolsa, olardy Zańǵa saı 15 táýlіkke qamaýǵa alady", - dedі FlyArystan baspasóz qyzmetі
Sonymen qatar FlyArystan Qazaqstanda 1 naýryzdan bastap "Qazaqstan Respýblıkasynyń áýe keńіstіgіn paıdalaný jáne avıatsııa qyzmetі týraly" Zańnamada jańartýlar engіzіlgenіn, áýekompanııa "janjalqoı jolaýshylardy tasymaldaýdan bas tartýǵa quqyly" ekenіn habarlady.
Budan bylaı tártіp buzýshylardy tártіpke shaqyryp, 50 AEK-dan bastap aıyppul salynady. Sonymen qatar Zańdy buzǵan jolaýshylar "qara tіzіmge" engіzіledі.