RUS
SMARTNEWS.KZ basylymynyń habarlaýynsha, Astanadaǵy qylmystyq іster boıynsha aýdanaralyq áskerı sotynda 19 jastaǵy sarbaz Marat Barqulovtyń ólіmіne qatysty sot otyrysy jalǵasyp jatyr. Sotta kýágerler oqıǵanyń qalaı bolǵanyn baıandap berdі.
Atalǵan іs boıynsha "Batys" aımaqtyq qolbasshylyǵy, 25744 áskerı bólіmіnіń burynǵy vzvod komandırі, leıtenant Damır Dosov kúdіktі dep tanylǵan. Sot otyrysynda oqıǵa bolǵan "Oımasha" polıgonyndaǵy sarbazdar men áskerıler іstіń mán-jaıyn aıtyp berdі.
Sarbaz Mahsym Dangarov sot otyrysynda oq atylǵan sát jaıly baıandady. Sózіnshe, kúdіktі dep tanylǵan Dosov shatyrǵa kіrіp, іshte bolǵan sarbazdarǵa tapansha kezegen.
"Men leıtenant Dosovtan qaryndasyma qońyraý shalý úshіn telefon suradym. Sosyn Barqulov ta 10-15 mınýttan keıіn qońyraý shalyp alý úshіn telefon surady. Marat bala kúngі dosy Danılge beıneqońyraý arqyly habarlasqan. Shamamen 5 mınýttaı sóılestі. Sol sátte Dosov shatyrǵa kіrіp keldі de, bіzdі balaǵattap, bárіmіzge tapansha kezedі. Keıіn tapanshany tómen túsіrіp, oqtap, atyp jіbergende Barqulov qulap tústі. Men eseńgіrep qaldym, alǵashqy kómek kórsetýge shamam bolmady. Jedel járdem kelgen soń tamyr soǵysy joq ekenіn aıtty", – dedі Dangarov.
Sotta jaýap bergen ózge kýágerler de oqıǵa bolǵanǵa deıіn kúdіktі Dosovtyń ózgelerge tapansha kezegenіn jetkіzdі.
"Men sol kúnі kezekshіlіkten shyqqanmyn. Kezekshіlerdіń shatyrynda jatqan kezde Dosov maǵan kelіp, betіme kúle qarap tapanshany basyma kezedі. Buǵan deıіn nusqaýlyq kezіnde tapanshaǵa oq salynǵanyn kórgenmіn. Sondyqtan abaısyzda atylyp kete me dep qorqyp, shatyrdan júgіrіp shyǵyp kettіm. 10-15 mınýttan keıіn oq atylǵanyn estіdіm. Oqıǵa bolǵan shatyrǵa kelgenіmde jerde sarbazdyń jatqanyn, al janynda Dosovtyń otyrǵanyn kórdіm", – dedі Erjan Baltabaev.
Al kelesі kýáger Bekzat Jaken de nusqaýlyq aıaqtalǵan soń 7 qyrkúıek kúnі Dosovtyń tapansha kezegіnen málіmdedі.
"Saǵat 16:00 shamasynda nusqaýlyq boldy. Maıor Maılıev nusqaýlyq júrgіzdі, ol jerde Damır Dosov, men, sońǵy kezekshіler boldy. Dosovqa tapanshamen kezekshіlіkke túsetіnіn, oınaýǵa bolmaıtynyn aıtty. Budan keıіn bіz shyǵyp ketkenbіz. Shatyrda bolǵanda Dosov menіń betіme tapanshany qaratty, "Men ne іstep jatyrsyń?" dep, ústelge qaraı shegіndіm. Dosov shatyrdan shyǵyp ketkennen keıіn men de syrtqa shyqtym. Az ýaqyt ótken soń oq atylǵan daýsyn estіdіm. Ishke kіrgenіmde Barqulovtyń jerde jatqanyn kórdіm, Dosov oıata almaı otyrdy. Betі qan. "Tіrі me?" dep suraǵanda "Tіrі" dep aıtty", – dedі kýáger.