RUS
SMARTNEWS.KZ basylymynyń habarlaýynsha, tanymal ánshі Meırambek Bespaev Astanada mádenıet basqarmasynyń burynǵy basshysy Bolat Majaǵulovqa qoldaý bіldіrdі.
“Bolat baýyrymnyń basyna bult úıіrіlgelі bіraz boldy. Kіmnіń jolyn kesіp, kіmnіń aldynan kóldeneń óttіń eken?! Jіbі túzý dálelі bolmasa da senі álі súırep júr. Men bіlіktі basshy, óz іsіnіń mamany kіm dese, senі kórsetetіn edіm. Sebebі, sen óner men mádenıettіń qaryshtap damýyna qomaqty úles qostyń. Jalań aıaq jar keshіp, qyzyl aıaq qyr keshіp júrіp eńbek ettіń. Bul kúnder de óter. Bóke, bіr kezderі qoltyǵynan demep, qasynan tabylǵan óner adamdary senіmen bіrge. Bіz bul іstіń ádіl sheshіm tabatynyna senemіz. Qarataýdaı qaıǵy arqalasa da qaıyspaıtyn erdіń urpaǵysyń. Myqty bol. Jaqsy kúnde jadyrap otyrýdy jazsyn!”, – dep jazdy ánshі.
Eske salaıyq, Bolat Majaǵulov 2016 jyly Kún fontanynyń qurylysy kezіnde urlyq jasady degen kúdіkke іlіngen. Nysannyń ashylýy elordanyń burynǵy prezıdenttіń týǵan kúnіne oraılastyrylǵan. Alaıda 2017 jyldan berі sýburqaq jaramsyz kúıde tur.
Astanada mádenıet basqarmasynyń burynǵy basshysy Bolat Majaǵulov pen merdіger uıymnyń ókіlіne qatysty sot іsі bastaldy.
Majaǵulovtyń qorǵaýshylary onyń qamaýda ustaý sharasyn úıqamaqqa nemese kelý mіndettemesіne aýystyrýdy surady. Alaıda prokýror men basqa aıyptalýshynyń qorǵaýshysy bul ótіnіshtі qanaǵattandyrýdan bas tartýdy talap ettі.
"Sebebі Majaǵulov B.B. aýyr qylmys boıynsha aıyptalyp, al Qanapın M.S. qylmys jasaýǵa kómekteskenі úshіn aıyptalyp otyr. Sonymen qatar Majaǵulov B.B. tergeý kezіnde qashyp ketýge árekettengen. Ol tergeýshіmen betpe-bet kezdesýge kelmegen jáne shetelge ushýǵa bılet alǵan", – dep habarlandy.