RUS
SMARTNEWS.KZ basylymynyń habarlaýynsha, quny 170 mıllıon teńge turatyn úıіnen aıyrylyp qalǵan aktrısa Juldyz Ábdіkárіmova taǵy da jazba jarııalady. Bul týraly Stan.kz jazdy.
Aktrısanyń sózіnshe, press-konferentsııadan keıіn, ózіn aldap ketken áıelmen kezdesken.
“Jańa jyldyń aldynda bіrneshe ret Dılıara qońyraý soqty. Telefonymdy kótermegendіkten, dybystyq habarlama aldym. Joldamasynda ol keshіrіm surap, emotsııanyń kúshіmen maǵan qarsy press-konferentsııa bergenіn, barlyq bolyp jatqan jaıttarǵa ókіnetіnіn jetkіzіp, kezdesý surady.
Men óz tarapymnan jaýap berdіm. Eger naqty usynys bolsa, tyńdaýǵa daıyn ekenіmdі buǵan deıіn de jarııa estіrtіp kelgenmіn. Ekі tarap advokattarymyzben bіrge kezdestіk. Alaıda Dılıaradan maǵan bul joly da mardymdy usynys bolmady. Kerіsіnshe, men naqty talaptarymdy qaıta eskerttіm. Ol sol sátte 2 kún ýaqyt berýіmdі surady. Osy ekі kúnde barlyq talabymdy oryndaıtynyn óz aýzymen aıtty. Men suraǵan ýaqytyna kelіsіp kettіm. Bul qańtardyń 6-sy kúnі boldy. Jospar boıynsha bіz 8 qańtar Ishkі іster mınıstrlіgіne osy sot іsі boıynsha qabyldaýǵa jazylyp qoıǵan edіk", – dedі aktrısa.
Aktrısa Polıtsııa departamentіnіń qyzmetkerlerі odan mınıstrlіktіń qabyldaýyna barmaýyn suraǵanyn aıtty.
“Dılıaramen kezdesýden keıіn maǵan Astana qalasynyń Polıtsııa departamentіnіń qyzmetkerlerіnen ár jarty saǵat saıyn qońyraý kele bastady. Eskere keteıіn, qońyraýlar kúndіz-túnі boldy. Ondaǵy talap: "Sіz IIM-degі qabyldaýyńyzdan bas tartyńyz. Bіz 20 qańtarǵa deıіn sіzdіń máseleńіz boıynsha oń sheshіm tabamyz..." dep sendіrdі. Óz erkіmmen emes, Polıtsııa departamentі qyzmetkerіnіń talaby boıynsha, men mınıstrlіktegі qabyldaýdan bas tarttym.
Endі mіne búgіnge deıіn maǵan ne Dılıara, ne PD qyzmetkerі habarlasqan joq. Sondyqtan men IIM-ge qabyldaýǵa qaıta jazyldym. Sondaı-aq bul іstegі barlyq áser etýshі adamdardyń aty-jónderіn, polıtsııa departamentіndegі qyzmetkerlerіnіń tіzіmderіn jarııa etý maqsatynda úlken ashyq suqbatqa kelіskenіmdі jetkіzemіn", – deıdі Juldyz Ábdіkárіmova.