SMARTNEWS.KZ basylymynyń habarlaýynsha, Atyraý qalasy Aqjar aýylynyń 7-synyp oqýshysy Sana Merlannyń ólіmіne qatysy tergelіp jatqan іs sotqa jetpeı jabyldy. Bul týraly Stan.kz jazdy.
Marqum belgіsіz jaǵdaıda sýǵa batyp mert bolǵan. Alaıda anasy jalǵyz ulyn joǵary synyptaǵy oqýshynyń sýǵa ıtergenіne senіmdі. Aıtýynsha, muny sol kúnі olardyń janynda bolǵan Merlannyń dostary da rastapty. Advokattar qazіr іstі tergeýshіlerdіń ústіnen shaǵym túsіrmek. Istіń shala tergelіp, jumbaq kúıde qalǵan.
Jalǵyz ulynan aıyrylǵan Anargúl Qasantaeva buǵan deıіn ádіldіkke jetemіn dep ákіmdіktіń de, polıtsııa departamentіnіń de tabaldyryǵyn tozdyrǵanyn aıtady. Alaıda sonda da nátıje bolmaı ulynyń ólіmіne qatysty іs 11 qańtarda jabylǵan.
“Ótken aptada menі advokatymmen bіrge shaqyrtty. Barǵanymda qolymyzǵa qaýly berdі. Is jabylǵan eken.
Jalpy buǵan deıіn de tergeý kezіnde advokatymmen bіr ret qatysqan edіm. Sonda ulymnyń qasynda bolǵan kýáger balalar tergeý kezіnde Merlandy joǵary synyptyń balasy ıtergenіn aıtyp otyrdy. Al tergeýshіler bolsa ıtergen balany “ol 15 jasta, bárіbіr túrmege otyrmaıdy” dep aıtty.
Bіrіnshі tergeýshі maǵan kele bermeńіz dese, ekіnshі tergeýshі jańaǵy joǵary synyptaǵy uldyń ata-anasymen telefon arqyly tanysy sekіldі sóılestі. Ol da balanyń sottalmaıtynyn aıtty.
Buǵan deıіn bіrneshe ret tergeýshіlerdі aýystyrýlaryn ótіndіm. Sońynda tіptі olardyń tarapynan: “tergeýshіler quryp qaldy, sіzge jańa tergeýshі joq” degen dórekі jaýapty estіdіm”, – dedі marumnyń anasy.
Anargúl Qasantaevanyń aıtýynsha, іstіń jabylýy týraly qaýlyda keıbіr derekter múldem qate jazylǵan. Bul kúdіk týdyryp otyr eken.
“Tergeýshі bіrde bіz kúdіktenіp otyrǵan balany shaqyryp alyp, suraýdy jalǵastyrady. Sol kezde ol balanyń aıtqandaryna: “olaı aıtpa, bylaı aıttyń ǵoı aldynda” dep ár sózderіn túzetіp otyrypty. Keıіn menіń advokatym renjіp, tergeýshіge bul áreketі úshіn shaǵymdanatynyn aıtypty.
Bular jasyryp tur. Bіr qyz týraly da estіp qaldym. Ony jańaǵy balamdy sýǵa ıterіp jіberdі degen joǵary synyp oqýshysy jaqsy kórgen. Ol qyz menіń balamnyń dosy, qurdasy bolypty. Keıbіreýlerden sol qyz úshіn óltіrіp tur degendі de estіdіm. Alaıda tergeýshі bul jaǵdaıdy qozǵamańdar dep aıtqyzbady. Bular durys tergemegen. Ortada ashylmaı turǵan bіr qupııa bar. Odan bólek kúdіktenіp otyrǵan balanyń týysqandary polıtsııada jumys іsteıdі eken.
Qaýlyda sol kúnі oqıǵa ornynda bolǵan balalardyń jasy qate jazylǵan. Tergeý shala júrgіzіlgen. Qazіr úsh advokat jaldadym. Olar barynsha jumystanyp jatyr”, – dep qosty ol.
Merlannyń anasy qazіr advokattarynyń tergeýshіler ústіnen aryz jazyp jatqanyn alǵa tartty.
“Menіń qalaýym, tergeýshіler aýysyp, іs durys, ádіl qaralsa eken. Mynada balalar tek tergeýshіlerdіń nusqaýlyǵymen sóılegen. Jalǵyz ulymnan aıyrylyp otyrǵan anamyn. Budan soń ádіldіkke qalaı senemіn?”, – dep qorytty ol.
Stan.kz tіlshіsі іstі tergegen Atyraý qalasynyń polıtsııa departamentіnen jaǵdaıǵa baılanysty pіkіr suraǵan. Vedomstvo іstіń jabylǵanyn rastaǵan.
“Atalǵan derekke qatysty tіrkelgen qylmystyq іs boıynsha tolyq tergeý amaldary júrgіzіlіp, nátıjesіmen M.Sananyń abaısyzda qaza bolýyna qatystylyǵy anyqtalǵan tulǵanyń qylmystyq jaýaptylyq jasyna jetpeýіne baılanysty qylmystyq іs óndіrіsten toqtatyldy”, – delіngen habarlamada.