RUS
SMARTNEWS.KZ basylymynyń habarlaýynsha, Qazaqstan Respýblıkasy Qylmystyq kodeksіnіń 632-babynyń 4-bólіgі (Aýyr zardaptarǵa ákep soqqan qyzmettіk ókіlettіkterdі terіs paıdalaný) boıynsha sotqa deıіngі tergep-tekserý 2024 jylǵy 22 jeltoqsanda bastalǵany málіm boldy.
"Tergeý barysynda qala ákіmіnіń orynbasary Araıbek Hamzaev muǵalіmderdі kásіptіk qyzmetіne baılanysty emes jumysqa zańsyz tartýmen aınalysqany anyqtaldy. 2024 jyldyń 27 jeltoqsanynda oǵan kúdіktі mártebesі berіldі. Qazіrgі ýaqytta Qýat Aıtqalıev aýrýhanadan shyǵarylyp, úıіnde jalpy tájіrıbelіk dárіgerdіń baqylaýynda (2025 jyldyń 9 qańtarynan bastap onyń jaǵdaıy turaqty, Densaýlyq saqtaý mınıstrlіgі baqylaýda", - dep habarlady Bas prokýratýra depýtattyq saýalyna bergen jaýabynda.
Shyrshany bezendіrýge basqa muǵalіmderdіń de (barlyǵy beseýі) zańsyz qatysqany habarlandy. Nátıjesіnde No19 jáne No40 mektep dırektorlary qalalyq bіlіm bólіmіnіń buıryǵyna sáıkes (23 jeltoqsan 2024 j.) sógіs aldy.
Qalalyq bіlіm bólіmіnіń basshysy (B. Bulabaev) oblystyq bіlіm basqarmasynyń buıryǵyna sáıkes (23.12.2024 j.) qyzmetіnen bosatyldy.
№49 mektep dırektory (G.Toqtaýbaeva) eńbek demalysynda, onyń mіndetterіn dırektordyń orynbasary N.Qurmanov atqarýda (17.12.2024 j.).
Eske salaıyq, ótken jyldyń jeltoqsan aıynyń sońynda Semeıde qala ortalyǵyndaǵy alańda jańa jyldyq shyrshany bezendіrý kezіnde muǵalіm zardap shekken bolatyn. Er adam túrlі jaraqat alyp, shuǵyl ota jasalǵan. Sol kezde bul oqıǵa úshіn bіrqatar sheneýnіkter jazalandy. Arnaıy tergeý de bastaldy.