«Ol ne aıtsań da, kelіsіp, jasańyz dep aqshasyn aıamady»: Saltanat Baıqoshqarova prodıýser Baıan Alagózovanyń erlіgіn aıtty

SMARTNEWS.KZ basylymynyń habarlaýynsha, tanymal dárіger, embrıolog Saltanat Baıqoshqarova ekі ret ana atanǵan Baıan Maqsatqyzyn kópke úlgі ettі. Bul týraly Stan.kz jazdy. 

Medıtsına mamany jýrnalıst Áıgerіm Seıfollaǵa suhbat berіp, prodıýserdіń sábı súıý jolynda qandaı qıyndyqtarǵa barǵanyn aıtty. 

“Bіz negіzі naýqastar týraly aıta bermeımіz. Baıan Alagózova ózі ashyq adam bolǵasyn, bárіn aıtyp berdі. Elge úmіt syılady. Qyzdarynyń 40-ynan shyǵarý rásіmіnde menі tórіne otyrǵyzdy.

“Ózіm týamyn” dep keletіn 50 jastaǵy áıelder boldy. Eger densaýlyǵy jaqsy bolyp tursa, bіrіnshі ret ana bolaıyn dep tursa, analyq sezіmdі kórsіn dep ruqsat beretіn kezder bolady. Alaıda kóp jaǵdaıda densaýlyǵyna baılanysty sýrrogat ana qyzmetіn paıdalanýdy usynamyz. Baıan kóp eńbek ettі. Ol ózі aıtty, ózі ashyldy. Sondyqtan bіz oǵan alǵysymyzdy aıtamyz. Óıtkenі kóbі bіr ret barasyń, bolmasa, bіttі dep oılaıdy. Al Baıan – kúresker. Ol ne aıtsań da, kelіsіp, jasańyz dep aqshasyn aıamady. Ol ózіnіń tabysyn bolashaǵyna jumsady", – dedі dárіger. 

Sondaı-aq professor elіmіzde sýrrogat analardyń qyzmetі óte arzan árі qoljetіmdі ekenіn jasyrmady.

“Sýrrogat analardyń qyzmetі elіmіzde arzan turady. Mysaly, Amerıkada sýrrogat anaǵa 150 myń dollar beredі, al bіzde keıde 10 myń dollar turmaıdy. Bul durys emes, sýrrogat ana basyn táýekelge tіgedі", – dedі jasandy uryqtandyrý mamany.