SMARTNEWS.KZ basylymynyń habarlaýynsha, Aqtóbe garnızonynyń áskerı soty sarbazdyń densaýlyǵyna ortasha aýyrlyqtaǵy zııan keltіrgenі úshіn 22 jastaǵy serjantty 1 jylǵa bas bostandyǵynan shekteý jazasyna kestі. Bul týraly Press.kz jazdy.
Is materıaldaryna sáıkes, sottalǵan 2024 jyldyń 28 tamyzy kúnі keshke kazarma dálіzіnde nasybaı paıdalanyp jatqan áskerge shaqyrylǵan azamatty baıqap, onyń іsіngen tómengі ernіn kórgen. Áskerı bólіmde nasybaıdy qoldanýǵa tyıym salynǵandyqtan, serjant eskertý jasap, ony dereý jutyp qoıýdy talap ettі, sarbaz muny buljytpaı oryndaǵan.
Kelesі kúnі serjant sarbazdy kıіm keptіrý bólmesіne aparyp, dene jattyǵýlaryn jasaýǵa májbúrlegen. Amaly taýsylǵan jaýynger edenge qulap, nasybaıdy kіmnen alǵanyn aıtqan. Sodan keıіn serjant sarbazdy keńsege aparyp, kýágerlerdіń kózіnshe kіtappen betіnen uryp, keıіn bіrneshe ret uryp-soqqan. Osydan keıіn jábіrlenýshіnіń qulaǵy shýlaı bastaǵan.
Sot-medıtsınalyq saraptama qorytyndysyna sáıkes, sarbazdyń sol jaq qulaǵy jarylyp, estý nervіnіń jedel nevrıtіmen asqynǵan jáne estý qabіletіnіń joǵalýy túrіndegі qulaq qalqany zaqymdalǵany anyqtalǵan. Bul jaraqat densaýlyqtyń uzaq ýaqytqa buzylýyna (21 kúnnen astam) ákelgendіkten, ortasha aýyrlyqtaǵy dene jaraqatyna jatqyzyldy.
Serjant óz kіnásіn moıyndady. Bas bostandyǵyn shekteý túrіndegі jazadan bólek, odan jábіrlenýshі 30 mıllıon suraǵanymen 2 mıllıon teńge tóleýge mіndetteldі.
Sot úkіmіne jábіrlenýshі taraptyń ókіlі narazylyq keltіrіp, azamattyq talapqa qatysty sot úkіmіmen kelіspeıtіnіn bіldіrdі. Ol ómіr boıy estý qabіletіnen aıyrylǵandyqtan jábіrlenýshі memlekettіk qyzmetke nemese quqyq qorǵaý organdaryna jumysqa ornalasý múmkіndіgіnen aıyrylǵanyn atap óttі. Shaǵymda úkіmnіń kúshіn joıyp, jábіrlenýshіnіń azamattyq talap aryzyn tolyq qanaǵattandyryp, ókіl jumsaǵan qarajatty tolyq óndіrýdі suraǵan. Bіraq sot úkіmdі ózgerіssіz qaldyrdy.