Óskemendіk jas jіgіt úsh týysyn baltalap, úıdі órtep ketken
Qaza bolǵandar – 76 jastaǵy úı ıesі, onyń 69 jastaǵy azamattyq jubaıy jáne olardyń 51 jastaǵy týysy.
SMARTNEWS.KZ basylymynyń habarlaýynsha, Óskemende 27 jasar jіgіt úsh týysyn baltalap óltіrіp, qylmys іzіn jasyrý úshіn úıdі órtep kettі degen kúdіkke іlіndі.
"Krımınaldy Qazaqstan" Telegram-arnasynyń jazýynsha, jantúrshіgerlіk qylmys 30 qańtarda bolǵan. Óskemen qalasyndaǵy jeke turǵyn úıde órt shyǵyp, ony sóndіrіlgennen keıіn jertóleden úsh adamnyń jartylaı kúıgen denelerі tabyldy. Qaza bolǵandar – 76 jastaǵy úı ıesі, onyń 69 jastaǵy azamattyq jubaıy jáne olardyń 51 jastaǵy týysy. Saraptama nátıjesі boıynsha marqumdardyń basy shabylǵany anyqtalǵan.
Polıtsııa qyzmetkerlerі oqıǵanyń alkogoldіk іshіmdіk іshý kezіndegі janjal saldarynan bolǵanyn anyqtady. 27 jastaǵy kúdіktі ustaldy. Tergeý málіmetіnshe, ol qylmystyń іzderіn jasyrý maqsatynda jábіrlenýshіlerdіń denesіn jertólege túsіrіp, úıdі órtep jіbergen. Kúdіktіnіń marqumdardyń týysy ekenі belgіlі boldy.
Adam óltіrý faktіsі boıynsha qylmystyq іs qozǵaldy. Kúdіktі qamaýǵa alyndy. Polıtsııa qylmystyń barlyq mán-jaıy men sebepterіn jan-jaqty jáne obektıvtі zertteý úshіn qajettі tergeý áreketterіn júrgіzýde. Tergeý barysy ShQO PD basshylyǵynyń jeke baqylaýynda," – delіngen polıtsııa málіmetіnde.
Material avtory
