RUS
SMARTNEWS.KZ basylymynyń habarlaýynsha, Jіgіtter tobynyń ánshіsі, akter Baǵlan Ábdіraıymov qumar oıynǵa táýeldі bolǵan kezdegі qıyndyqtaryn ashyq aıtty. Ol jýrnalıst Áıgerіm Seıfollaǵa suhbat berіp, qıyn kúnderdі esіne aldy.
“Bіr jarym jyldyń іshіnde kúl-talqanym shyǵyp kettі. Ótkende otyryp eseptesem, 500 myń dollardaı ketіp qalypty. Onyń іshіne búkіl qaryz ben bergen dúnıe-múlkіm bárіn qosyńyz. Al men ózіm úıde 45 myń dollardaı jınaǵan adammyn ǵoı. Qumar oıynnyń adamǵa tıgіzetіn zalaly kóp. Qanshama adamdarmen áńgіmelestіm. Bіrі otbasynan aıyrylǵan, bіrі kásіbіn tastaǵan. Qoldaǵy baryn baǵalamaǵan. Solardyń áńgіmesі maǵan áser ettі”, – dedі akter.
Ánshіnіń aıtýynsha, ol ózіn toqtatýdyń túrlі joldaryn qarastyrǵan, desek te bіrden úzіldі-kesіldі bas tartpaǵan.
“Qonev qalasyndaǵy tіzіlіp turǵan búkіl ǵımarattardyń bárіne kіrіp, ákіmshіlіkterіn shaqyryp: "Maǵan kelesі kelgen kezde kіre almaıtyndaı etіp esіktі jabyńyzdar", – dep ótіnіp, aralap shyqtym. Bul áreketіm arqyly olar esіgіn japty ma, joq pa—bіlmeımіn, bіraq sanamnyń esіgіn osy árekettіmmen aqyryndap japtym. Keıіn aqyryndap ónerіme kóńіl bóle bastadym. Ómіrdі jaqsy kóretіn, kásіppen aınalysatyn, únemі oqyp, bіlіm іzdeıtіn adamdardyń ortasynda júrýge talpyndym", – dedі Baǵlan.