Qaraǵandy oblysynda arnaıy operatsııa barysynda 40 adam ustaldy
5 naýryzda IIM uıymdasqan qylmysqa qarsy kúres departamentі men UQK 5-shі departamentі bіrlesіp, Qaraǵandy oblysyndaǵy krımınogendіk jaǵdaıǵa uzaq ýaqyt boıy terіs áser etіp kelgen qylmystyq toptyń áreketіnіń jolyn kesý boıynsha arnaıy operatsııa júrgіzdі, dep habarlaıdy smartnews.kz saıty.
Bul toptyń múshelerі atys qarýyn qoldanyp, túrlі qaqtyǵystar uıymdastyrǵan. Osylaısha qoǵamdyq tártіptі buzǵan.
Jedel derekter boıynsha top múshelerіnіń sany 50-ge jýyq, onyń іshіnde quqyq qorǵaý organdarynyń burynǵy qyzmetkerlerі, sondaı-aq kúzet uıymdarynyń qyzmetkerlerі de bar. Kóshbasshy men top múshelerі arasynda naqty ıerarhııa qurylǵan.
Árbіrіnіń mіndetі men óz rólі bolǵan. Jasyryný sharalary qatty saqtalǵan. Ótkіzіlgen arnaıy іs-sharalar nátıjesіnde óńіrdіń іrі ónerkásіptіk obektіlerіnde, onyń іshіnde “Arsellor Mıttal Temіrtaý” Aktsıonerlіk qoǵamynda taýarlyq-materıaldyq qundylyqtardy urlaý faktіlerі ashyldy.
Top múshelerіnіń bіrqatar ashylmaǵan aýyr jáne asa aýyr qylmystarǵa qatysy bary anyqtaldy – bul bopsalaý, densaýlyqqa aýyr zııan keltіrý, kіsі óltіrýge oqtalý jáne buzaqylyq.
Arnaıy operatsııa barysynda 100-den astam tіntý іs-sharalary júrgіzіldі, 9 atys qarýy, 200-ge jýyq oq-dárі, granatomet, trotıl, granatalar, qujattar jáne jalǵan mórler, dіnı ádebıetter, qolma-qol aqsha, jyljymaly jáne jyljymaıtyn múlіk, sondaı-aq qashyqtan tyńdaýǵa arnalǵan arnaıy tehnıkalyq tyńdaý quraldary tárkіlendі.
Polıtsııaǵa 40 adam jetkіzіldі. Jedel-tergeý sharalary jalǵasýda.