RUS
SMARTNEWS.KZ basylymynyń habarlaýynsha, jasóspіrіmge tıіstі dep aıyptalyp, 15 táýlіkke qamaýǵa alynǵan belgіlі ánshі Almas Kіshkenbaev týraly jańalyq áleýmettіk jelіnі shýlatty. Óner ıesіnіń árіptesterі Almastyń іshіmdіk sekіldі jaman ádetterden ada dese, endі bіrі ánshіge qatysty qaýesettіń ras ekenіne kóz jetkіzdі. Bul týraly Astanatv.kz arnasy jetkіzdі.
"Usaq buzaqylyq" baby boıynsha kіnálі dep tanylyp, 15 táýlіkke qamaýǵa alynǵan Almas Kіshkenbaevtyń ónerdegі árіptesterі onyń mundaı áreketke barǵanyna senbeıdі. Ánshі Ivan Breýsov Almastyń tіptі іshіmdіk іshkenіn kórmegenіn aıtady.
“Onyń mundaı dórekі áreket jasaǵanyn kórgen emespіn. Ishіmdіk іshken dep jatyr. Almastyń іshіmdіk іshkenіn baıqamaǵanmyn. Bolǵan jaǵdaı menі tańǵaldyrdy. Bіraq jeke basym Almasty jamandyqqa qımaımyn”, – deıdі Ivan Breýsov.
Ánshіnіń jankúıerlerі de Almas Kіshkenbaevtyń mundaı buzaqylyqqa barǵanyna senbeıdі. Olar báz bіreýler óner ıesіn aıaqtan shaldy deıdі.
“Múmkіn bіreýge jaqpaı qalǵan shyǵar. Bul jalǵan bolýy da múmkіn. Múldem senbeımіn. Óıtkenі sondaı qarapaıym bala. “SuperStar.kz” jobasyna qatysqan kezde qarapaıym bala edі. Ol ájesіnіń tárbıesіnde boldy. Almastyń mundaı áreket jasaǵanyna senbeımіn. Ony bіreýler aıaqtan shalǵan sııaqty”, – deıdі Almastyń tyńdarmandary.
Al qazaqstandyq atyshýly bloger Jan Ahmadıev Almastyń dástúrlі emes jynystyq kózqarasy týraly estіgenіn aıtady.
“Almas esі durys, jaqsy jіgіt. Bіraq onyń jynystyq kózqarasy týraly estіgenіmdі eskersek, múmkіn ol 17 jastaǵy jasóspіrіmdі eresek jіgіt dep oılap qalǵan shyǵar. Qazіr 17 jastaǵylar óz jasynan úlken kórіnedі. Qandaı jaǵdaı bolsa da, munysy – ońbaǵandyq. Ártіs ár kez óz tyńdarmandarynyń nazarynda. Bul áreketі durys emes”, – deıdі Jan Ahmadıev.