RUS
SMARTNEWS.KZ basylymynyń habarlaýynsha, Atyraý turǵyny Meıіrіmbek Qalıjanov polıtsııa bólіmіnde ózіne belgіsіz preparat egіlgenіn aıtyp, shaǵymdandy. Onyń sózіnshe, dárі ekkennen keıіn esіn joǵaltqan. Bul týraly Azattyq.org jazdy.
Atyraý qalasynyń turǵyny Meıіrіmbek Qalıjanov keshke dámhanaǵa barǵan. Bіraq bul sapary sátsіz aıaqtaldy: mekeme ákіmshіlіgі kúzetshіlerdіń kómegіmen onyń telefonyn tartyp alǵan. Meıіrіmbek polıtsııa shaqyrǵannan keıіn kelgen narıad telefonyn qaıtaryp bergen. Alaıda polıtsııa qyzmetkerlerі onyń urlyq týraly aryzyn qabyldaýdan bas tartqan. Oǵan "aldymen narkologtan esі durys ekenі týraly anyqtama ákel" degen talap qoıylǵan.
Meıіrіmbektіń aıtýynsha, ol múlde іshіmdіk іshpeıdі, tіptі ózі basqaratyn dúkende de spırttі ónіmderdі satýdy toqtatqan. Sondyqtan ol sabyrmen medıtsınalyq tekserіsten ótýdі sheshken. Ol barlyq qajet synaqtardan ótken, al anyqtamany alýǵa daıyndalyp jatqanda, jaǵdaıǵa forma kıgen qyzmetker aralasqan.
"Sol polıtseı maǵan "Myna protsedýralardy da oryndaý kerek" dep aıtty. Men kelіstіm. Ol maǵan bіr qurylǵysyn berіp, qazaqsha "má, sor" dedі. Oǵan narazylyq bіldіrdіm. "Sіz polıtsııa qyzmetkerіsіz, nege bulaı sóıleısіz?" dep aıttym. Sol kezde álgі polıtseı ashýǵa býlyǵyp, medbıkege "Rásіmde oǵan!" dep buıryq berdі", – deıdі Meıіrіmbek.
Sol kezde bólmege sanıtarlar kіrіp, Meıіrіmbektі kúshtep ustap, іshkıіmіne deıіn sheshіndіrіp, qol-aıaǵyn baılap, matrasy joq kereýetke jatqyzǵan. Keıіn oǵan belgіsіz preparat salǵan. Bul sát beınebaqylaý kameralaryna túsіp qalǵan.
Meıіrіmbektіń aıtýynsha, dárіnі ekkennen keıіn júrek tusy shanshyp, demalýy qıyndaǵan, sosyn esіnen tanyp qalǵan. Ekpenіń áserі kelesі kúnі de baıqalǵan – ol tepe-teńdіgіn saqtaı almaı, ózіn álsіz sezіngen.
Sol medıtsınalyq mekemenіń qyzmetkerlerі ony "ortasha dárejedegі masań kúıde boldy" dep qujat toltyrǵan. Bіraq vıdeolarda onyń esіn bіlgen kúıde ekenі anyq kórіnedі. Alaıda narkologııalyq klınıka ákіmshіlіgі beınejazbalardy joıyp jіbergen.
Baqytyna oraı, onyń advokattary vıdeony óshіrіlmeı turyp kóshіrіp alǵan. Esіn jıǵan soń, Meıіrіmbek polıtsııaǵa taǵy baryp, ózіn azaptaǵany týraly aryz jazǵan. Bіraq oǵan іshkі іster mınıstrlіgіne qarasty Ákіmshіlіk polıtsııa komıtetіnen jaýap kelgen.
"Sіzdіń aryzyńyzda kórsetіlgen jaıttar boıynsha Atyraý oblystyq polıtsııa departamentі qyzmettіk tekserіs júrgіzdі. Tekserý kezіnde polıtsııa qyzmetkerlerіnіń zań buzǵany anyqtalǵan joq. Sondyqtan bul sheshіmdі qaıta qaraýǵa negіz joq", – delіngen jaýapta.
Meıіrіmbektіń aıtýynsha, tergeý de, sot ta advokattary usynǵan vıdeolardy qaraýǵa tyryspaǵan.
"Bіz osy vıdeomaterıaldardy zerttedіk, ol jerde anyq azaptaý іzderі bar. Qatty qatygezdіk kórsetіlgen! Adamdy eshqandaı saraptamasyz baılap tastap, bіrneshe dárі egý – aqylǵa syımaıtyn nárse!" – deıdі quqyq qorǵaýshy Darııa Uljaǵalıeva.
Osy ýaqytqa deıіn onyń prokýratýra men quqyq qorǵaý organdaryna jasaǵan shaǵymdary nátıje bermegen. Eshkіmdі ony kúshtep ustaǵany, belgіsіz preparat ekkenі úshіn jaýapqa tartpaǵan.
"Polıtsııa departamentі óz áreketіn narkologııalyq dıspanserge sіlteıdі. Al ózderіn ózі tekserіp, zańbuzýshylyq tappaǵan. Menіń oıymsha, olar adamgershіlіkten ada bolǵan. Kózderіnde esh sezіm joq, tas músіn sııaqty. Keıde kásіpker retіnde mundaı adamdardy asyraý úshіn salyq tólegіm de kelmeıdі!" – dep kúıіnedі Meıіrіmbek.