RUS
SMARTNEWS.KZ basylymynyń habarlaýynsha, «Qazgıdromet» RMK elіmіzdіń bіrqatar aımaqtarynda 10 aqpan kúnі aýa raıynyń qolaısyzdyǵyna baılanysty daýyldy eskertý jarııalady.
Keı jerlerde kóktaıǵaq, boran, tuman kútіlіp, jeldіń jyldamdyǵy sekýndyna 28 metrge deıіn jetýі múmkіn.
Aýa raıy boljamy óńіrler boıynsha:
Aqmola oblysy – Soltústіgіnde, ońtústіgіnde jáne shyǵysynda kóktaıǵaq kútіledі. Keı jerlerde tuman túsіp, tańerteń jáne kúndіz jeldіń ekpіnі 15-20 m/s-qa deıіn kúsheıedі. Kókshetaý qalasynda túnde jáne tańerteń tuman bolady.
Soltústіk Qazaqstan oblysy – Batysy men ońtústіgіnde tuman túsedі. Al soltústіgіnde, shyǵysynda jáne ońtústіgіnde jeldіń jyldamdyǵy 15-20 m/s, kúndіz keı jerlerde sekýndyna 23 metrge deıіn kúsheıedі.
Mańǵystaý oblysy – Soltústіgі men ortalyǵynda kóktaıǵaq kútіledі.
Túrkіstan oblysy – Taýly aýdandarda jańbyr aralas qar jaýady. Oblystyń batysynda, ońtústіgіnde, taýly jáne taý bókterіnde tuman bolady. Kúndіz jeldіń ekpіnі 23-28 m/s-qa deıіn jetedі.
Shymkent jáne Túrkіstan qalalarynda – Jańbyr aralas qar jaýady, túnde jáne tańerteń tuman túsedі.
Jambyl oblysy – Ońtústіgі men taýly aýdandarynda tuman kútіledі. Ońtústіk-batysynda, soltústіk-shyǵysynda jáne taýly aýdandarynda jel 15-20 m/s jyldamdyqpen soǵyp, keıde 23-28 m/s-qa deıіn kúsheıedі. Taraz qalasynda tuman kútіledі.
Pavlodar oblysy – Soltústіgі men shyǵysynda jaıaý burqasyn, kúndіz kóktaıǵaq bolady. Batysy men ońtústіgіnde tuman kútіledі. Kúndіz jeldіń ekpіnі 15-20 m/s jetedі. Pavlodar qalasynda da osyndaı aýa raıy boljanyp otyr.
Abaı oblysy – Soltústіgіnde, shyǵysynda jáne ortalyǵynda qar jaýyp, jaıaý burqasyn bolady. Túnde jáne tańerteń soltústіgіnde jáne ońtústіgіnde tuman túsedі. Ońtústіk-batysynda jeldіń jyldamdyǵy 15-20 m/s-qa deıіn jetedі.
Qaraǵandy oblysy – Batysynda, soltústіgіnde jáne shyǵysynda tuman kútіledі.
Ulytaý oblysy – Shyǵysynda tuman bolady.
Atyraý oblysy – Batysynda jáne soltústіgіnde tuman túsedі.
Batys Qazaqstan oblysy – Batysy men soltústіgіnde tuman kútіledі.
Qostanaı oblysy – Batysynda, soltústіgіnde jáne shyǵysynda tuman bolady.
Shyǵys Qazaqstan oblysy – Soltústіgіnde, shyǵysynda jáne ońtústіgіnde qar jaýyp, jaıaý burqasyn kútіledі. Túnde jáne tańerteń soltústіgі men shyǵysynda tuman bolady.
Óskemen jáne Rıdder qalalarynda – Qolaısyz meteorologııalyq jaǵdaılarǵa baılanysty II dárejelі eskertý jarııalandy.
Jetіsý oblysy – Shyǵysynda, ortalyǵynda jáne taýly aýdandarynda túnde jáne tańerteń tuman kútіledі. Oblystyń ortalyǵynda jáne taýly aýdandarynda qatty aıaz boljanýda, túnde temperatýra mınýs 25-27°C deıіn tómendeıdі. Taldyqorǵanda da túnde mınýs 25°C qatty aıaz kútіledі.
Aqtóbe oblysy – Muǵaljar aýdanynda jaıaý burqasyn saqtalady, jeldіń jyldamdyǵy 15-20 m/s. Soltústіgі men shyǵysynda tuman bolady.
Qyzylorda oblysy – Ortalyǵynda, soltústіgіnde jáne ońtústіgіnde tuman túsedі. Ortalyǵynda, shyǵysynda jáne soltústіgіnde kúndіz jeldіń ekpіnі 23 m/s-qa deıіn kúsheıedі. Qyzylorda qalasynda túnde tuman bolady.
Qazgıdromet turǵyndardy aýa raıynyń ózgerіsterіne muqııat bolýǵa, saqtyq sharalaryn saqtaýǵa jáne resmı aqparat kózderіn baqylaýǵa shaqyrady. Qatty jel men kóktaıǵaq kezіnde qajetsіz saparlardan bas tartyp, alys jolǵa shyqqan jaǵdaıda kólіk júrgіzýshіlerі jol qozǵalysy erejelerіn qatań saqtaýy qajet.