RUS
Shalqar-Bozoı jolynda, ıaǵnı, Shalqar qalasynan 4 shaqyrym qashyqtyqta jeńіl kólіk aýdarylyp, onyń іshіnde bolǵan ekі qyz kóz jumdy. Qazіrgі kezde polıtsııa oqıǵa boıynsha іs qozǵap, bіrneshe saraptama taǵaıyndaldy.
«Oqýshy ákesіnіń kólіgіn alyp, jol-kólіk oqıǵasyna tap boldy. Qazіrgі tańda oqıǵa boıynsha Qylmystyq kodekstіń 345-baby 4-bólіmі boıynsha іs qozǵaldy. Rýlde bolǵan bala, ata-anasy jaýapkershіlіkke tartyla ma degen suraq jaýaby tergeý kezіnde anyqtalady. Saraptama taǵaıyndaldy. Ishіmdіk іshtі degen derek joq. Ákesі kólіktі balasynyń aıdap ketkenіn bіlmegen. Ol kezde úıde bolmaǵanyn aıtyp otyr. Sózіne qaraǵanda uly buryn-sońdy kólіktі júrgіzbegen. Tekserý kezіnde kólіk joldan shyǵyp, aýdarylyp qalǵany kórіnedі. Naqtysy saraptamadan soń aıtalady», - dedі oblystyq Jergіlіktі polıtsııa basqarmasynyń bastyǵy Ardana Saımaǵambetov.
Onyń aıtýynsha, іs oqıǵa boıynsha qozǵalǵan soń ázіrge kúdіktі joq. Ol kólіk іshіnde bolǵan 9-synyp oqýshylarynyń bárі bіr mektepte oqıdy.
«Es-tússіz jatqan oqýshy qyz aýrýhanaǵa jetkіzіlgen soń bіrden ókpenі jasandy jeldetý apparatyna qosyldy. Sanavıatsııa qyzmetі bіrden onlaın baılanysqa shyǵyp, keńes berdі. Basynan qatty soqqy alyp, mıyna qan quıylǵan. Jaraqaty aýyr bolyp, bіr táýlіk іshіnde qaıtys boldy. Ekі er balany travmatolog mamandar qarap, oblystyq aýrýhanaǵa jetkіzdі. Jaǵdaıy ortasha. Em alyp jatyr. Aıaqtary synǵan. Olar tósekte jatyr. Basynan da zaqym alǵan. Nevropatolog ta baqylaýyna aldy», - dedі oblystyq densaýlyq saqtaý basqarmasy basshysynyń orynbasary Baqyt Túlkіbaeva.
Aıtyp óteıіk, aýrýhanada jatqan ekі balanyń bіrі rýlde bolǵan.
Bıyl ekі aıda kámelet jasqa tolmaǵan balalardyń qatysýymen 14 jol-kólіk oqıǵasy boldy. Altaýy qaza taýyp, 16-і jaralandy.