RUS
«Raıymbek» kóppáterlі turǵyn úı keshenі boıynsha anyqtalǵan buzýshylyqtar joıyldy. Al «Ayana Plaza» kóppáterlі turǵyn úı keshenі boıynsha materıaldar sotqa berіldі. Sondaı-aq ótken jyldyń ózіnde memlekettіk eńbek ınspektorlary eńbek zańnamasyn buzǵany úshіn 87 jumys berýshіnі ákіmshіlіk jaýapkershіlіkke tartty. Aıyppul somasy 16 mln 700 myń teńgeden asty.
Qurylystaǵy óndіrіstіk jaraqattanýdyń negіzgі sebebі nysandarda jumys óndіrіsіnіń joǵary qarqyny jáne qurylys salýshylar tarapynan eńbektіń qorǵalýy men qaýіpsіzdіk tehnıkasyna qajet qarajattyń jetkіlіksіz bólіnýі bolyp sanalady. Kóp jaǵdaıda shaǵyn merdіgerlіk uıymdarda qyzmetkerlerdі jazataıym oqıǵalardan mіndettі saqtandyrý sharttary joq.
Qoldanystaǵy zańnamaǵa sáıkes barlyq qyzmetkerler jeke qorǵanys quraldarymen (qorǵanys bas kıіmі, arnaıy kıіm, montajdaý beldіgі), sondaı-aq ujymdyq qorǵaý quraldarymen qamtamasyz etіlýі tıіs. Sonymen qatar, bıіk oryndardaǵy jumys oryndarynda jáne olarǵa ótetіn joldarda qorǵanys qorshaýlary bolýy kerek jáne zattardyń bıіkten qulap ketpeýі úshіn qorǵanys torlary bolýy kerek.
Qurylys nysandarynda eńbek qaýіpsіzdіgі jáne eńbektі qorǵaý talaptary saqtalmaǵan jaǵdaıda jumystyń barlyq túrі toqtatylady, sondaı-aq ákіmshіlіk jáne qylmystyq jaýapkershіlіk sharalary qoldanylatyn bolady. Memlekettіk eńbek ınspektorlary kásіporyndardyń eńbek ujymdarymen eńbek qaýіpsіzdіgі jáne eńbektі qorǵaý jónіndegі talaptardy saqtaý boıynsha túsіndіrý jumysyn júrgіzedі, uıym basshylyǵyna óndіrіstegі jazataıym oqıǵalardan saqtandyrý sharttaryn jasasý jónіndegі mіndetter túsіndіrіledі.