RUS
«Alkogol jáne temekі ónіmderіn satýmen aınalysýǵa lıtsenzııalar berý avtomattandyrylǵan. Ony e-gov.kz veb-portal arqyly júzege asyrýǵa bolady. Sonymen qatar artyq talaptardyń joıylǵanyna bіrneshe jyl boldy. Búgіnde lıtsenzııa alý ońaı árі qoljetіmdі. Sol sııaqty salyq tóleýshі kіrіster departamentі mamandarymen tіkeleı baılanyspaıdy. Bul bіr jaǵynan, sybaılas jemqorlyq táýekelderіnіń aldyn alsa, ekіnshі jaǵynan, bіryńǵaı tártіp. Qandaı da bіr qujattar bolmaǵan jaǵdaıda júıe avtomatty túrde lıtsenzııa berýden bas tartady», - dedі Erlan Dalbın kіrіster komıtetіnіń YouTube kanalynda ótken tіkeleı efır barysynda.
Spıker aıtqandaı, alkogol jáne temekі ónіmderіn satýǵa lıtsenzııa alý tártіbі týraly Memlekettіk kіrіster komıtetіnіń resmı saıtynan tabýǵa bolady.
Sondaı-aq, komıtet ókіlі usynǵan málіmet boıynsha, syra jáne etıl spırtі men alkogol ónіmіn satýǵa 3 000 AEK alym, tek syra sýsynyn óndіrýge 2 000 AEK qarastyrylǵan.
Alkogol ónіmderіn kóterme satýǵa lıtsenzııa 200 AEK turady. Aıtýynsha, lıtsenzııalar quny óńіrler boıynsha ózgerіp otyrady. Atap aıtqanda, Astana jáne respýblıkalyq, oblystyq mańyzy bar qalalarda 100 AEK, aýdandyq mańyzy bar qalalar men kentterde 70 AEK, al aýyldarda 30 AEK alym kózdelgen.