Jýrnalısterge shabýyl: 30-dan astam qylmystyq іs qozǵaldy
BAQ ókіlderіne shabýyl jasaý іsі boıynsha 30-dan astam qylmystyq іs qozǵalyp, tergeý amaldary júrіp jatyr. Bul týraly Ishkі іster mınıstrі Marat Ahmetjanov málіm ettі, dep habarlaıdy smartnews.kz saıty.
«Jýrnalısterge jasalǵan shabýyl faktіlerі boıynsha 30-dan astam qylmystyq іs qozǵaldy. Sonymen qatar 22 adam ustaldy. Qazіr onyń jeteýі qamaýda, qalǵandaryna jasyn eskere otyryp, qoǵamnan oqshaýlanýǵa qatysty emes bultartpaý sharasy tańdaldy. Qazіrgі ýaqytta sotqa deıіngі tergeý júrіp jatyr. Atalǵan іske qatysty aqparat berіledі. Sonymen qatar shabýyl jasaý faktіlerі boıynsha protsedýralyq tulǵalar da bar», - dedі Marat Ahmetjanov Úkіmet otyrysynan keıіn BAQ ókіlderіnіń saýalyna jaýap bere turyp.
Onyń aıtýynsha, jábіrlengen jýrnalıster іstі tergeý barysyna qatysady.
«Árіptesterіńіz bul protseske qyzyǵýshylyq tanytýda, olar іs protsesіne qatysý mártebesіne ıe. Suraqtaryn qoıyp, belsendі qatysa alady. Sol sııaqty belgіlі bіr tergeý áreketterіn júrgіzý týraly ótіnіsh jasaı alady. Sondyqtan tergeý áreketterіnіń bastalýy ǵana júrіp jatyr, basqa faktіler men mán-jaılar paıda bolǵan kezde, bіz qoldanystaǵy іs júrgіzý zańnamasy sheńberіnde mіndettі túrde habardar etemіz», - deıdі mınıstr.
Eske salsaq, IIM jáne UQK vedomstvoaralyq jedel-tergeý toby BAQ ókіlderіne shabýyl uıymdastyrǵan kúdіktі toptyń jolyn kestі.
Sondaı-aq, jýrnalısterge shabýyl uıymdastyrdy degen shetel azamaty 2 aıǵa qamaýǵa alyndy.
Buǵan deıіn jýrnalıster men blogerlerge qatysty qylmys jasady degen 18 adam ustalǵany belgіlі boldy.