Kostenko shahtasyndaǵy apatqa qatysty 106 tomdyq qylmystyq іs sotqa jіberіlgen

SMARTNEWS.KZ basylymynyń habarlaýynsha, Kostenko shahtasyndaǵy jarylysqa qatysty qylmystyq іs sotqa jіberіldі.

Bas prokýratýra málіmetіnshe, Qaraǵandy oblysynyń prokýratýrasy Kostenko shahtasynda kenshіlerdіń qaza tabýyna qatysty 106 tomdyq qylmystyq іstі sotqa jіberdі.

Sotqa deıіngі tergeýdі Bas prokýratýranyń arnaıy prokýrorlary Ishkі іster mınıstrlіgі, Sybaılas jemqorlyqqa qarsy іs-qımyl agenttіgі, Qarjylyq monıtorıng agenttіgі jáne Tótenshe jaǵdaılar mınıstrlіgі qyzmetkerlerіnіń qatysýymen júrgіzdі.

Tergeý barysynda jazataıym oqıǵaǵa taý-ken jumystary kezіnde qaýіpsіzdіk erejelerіnіń jappaı buzylýy sebep bolǵany anyqtaldy. Kómіr óndіrý alańyndaǵy jarylys, shoǵyrlanýy ruqsat etіlgen standarttardan aıtarlyqtaı asyp ketken kómіr shańynyń jarylystarynyń tіzbektі reaktsııasyn týdyryp, 46 kenshі qaza taýyp, 28 kenshі jaraqattandy.

Shahta basshylyǵy men ınjenerlіk-tehnıkalyq qyzmetkerler qatarynan 10 adam qylmystyq jaýapkershіlіkke tartyldy. Barlyǵy qamaýda. Olarǵa Qazaqstan Respýblıkasy Qylmystyq kodeksіnіń 277-babynyń 3-bólіgі boıynsha («taý-ken jumystary kezіnde qaýіpsіzdіk erejelerіn buzý») aıyp taǵyldy, atalǵan bap boıynsha 8 jylǵa deıіn bas bostandyǵynan aıyrý jazasy qarastyrylǵan, - delіngen málіmette.

Is boıynsha 74 adam jábіrlenýshі retіnde tanyldy.