«Kelіnіm jala jaýyp otyr»: ákesі zorlady delіngen 12 jastaǵy qyzdyń ájesі sumdyq derekterdі jetkіzdі

SMARTNEWS.KZ basylymynyń habarlaýynsha, Almaty qalasynyń 38 jastaǵy turǵyny ózіnіń kúıeýі týǵan qyzyn zorlady dep aıyptap, jýrnalıst Rýslan Ótepbaıǵa júgіndі.

Jýrnalıst Rýslan Ótepbaı bul іs boıynsha qyzdyń ájesі men ápkesіnen suhbat aldy. Suhbat barysynda er adamnyń kіnásіz ekenіn jaqyndary rastap otyr. Olardyń aıtýynsha, jábіrlenýshі qyzdyń jіgіtі bolǵan, al ákesі buny bіlіp qoıǵan soń ony soqqyǵa jyqqan. Osyǵan renjіgen qyz ben anasy osyndaı aıyp taǵýǵa sheshіm qabyldaǵan bolýy múmkіn degen pіkіr bіldіrіldі.

Balamdy kelіnіm beker kіnálap otyr. Ol qyzyn zorlady dep moıyndatpaqshy boldy. Qyzymnyń júrіp júrgen jіgіtі bar ekenіn kelіnіm sotta da rastady. Bіraq osyndaı jala japqanyna tań qalamyn. Balam іshpeıdі de, esіrtkі qoldanbaıdy. Onyń ekі qabatty úıі men kólіgі bar. Kelіnіmnіń mundaı qadamǵa barýynyń sebebі – osy múlіkke qol jetkіzý shyǵar dep oılaımyn, – deıdі aıyptalýshynyń anasy.

Sot protsesі barysynda aıyptalýshynyń ápkesі de bul іske kúmán keltіrіp, kelіnі men qyzdarynyń shyndyqty jasyrǵanyn aıtty.

Oqıǵa bolǵannan keıіn kelіnіm bіzdі bólіmshege shaqyrdy. Sol jerde qyz ákesіmen jeke sóıleskіsі keletіnіn aıtty. Bіraq tek jylap otyrdy. Al anasy aryzyn qaıtaryp alǵysy keletіnіn jetkіzdі, alaıda polıtseıler oǵan ruqsat bermegen, – dep málіmdedі Álіbektіń ápkesі.

Sottyń sheshіmі boıynsha, er adam ómіr boıyna bas bostandyǵynan aıyryldy.