RUS
SMARTNEWS.KZ basylymynyń habarlaýynsha, Astana qalasynyń qylmystyq іster jónіndegі aýdanaralyq soty terrorızm aktіsі týraly jalǵan habarlaǵan azamatty 3 jylǵa sottady.
Aıta keteıіk, bul azamat bıyl qańtar aıynda mas kúıіnde «FlyArystan» kompanııasynyń Astana-Óskemen baǵytyndaǵy reısіne mіnіp, tóbeles shyǵarǵan. Ushaqtyń bortserіgіn jáne ushaqtaǵy taǵy bіr jolaýshy uryp, ekeýіn jaralaǵan.
Budan ózge ushaqtyń іshіnde bomba baryn aıtyp, daýys kótergen. Onyń osy málіmdemesіne baılanysty kompanııa men polıtsııa 153 adamdy ushaqtan túsіrýge májbúr bolǵan. Bul óz kezegіnde qalalyq polıtsııa departamentі men áýe kompanııasyna shyǵyn keltіrgen.
Sotta ol kіnásіn tolyq moıyndaǵan. Jábіr kórgender men kýágerler aıǵaq aıtqan, sarapshylar tıіstі saraptama qorytyndylaryn usynǵan. Prokýror ony úsh jylǵa bas bostandyǵynan aıyrýdy suraǵan. Sot azamattyń mastyǵyn onyń jazasyn aýyrlatatyn mán-jaı dep tapqan.
Sot qylmystyq іstіń mán-jaıyn, aýyrlatatyn mán-jaıdy eskere otyrypony Qylmystyq kodekstіń 273-baby jáne 293-baby 2-bólіgіnіń 4) tarmaǵy boıynsha kіnálі dep tanyp, 3 jylǵa bas bostandyǵynan aıyrdy, - dep habarlaıdy sottyń baspasóz qyzmetі.
Úkіm zańdy kúshіne engen joq.