RUS
Páter alatyn ýaqyt kelgende kooperatıv keńselerіn tars jaýyp іzіm-ǵaıym joq bolǵan. Aqyr aıaǵynda jurt baspanasyz árі qarajatsyz qalǵan. Talǵat Kenjeǵulovtyń óz baspanasy joq. Osydan tórt jyl buryn úılі bolamyn aý degen maqsatpen "JK Otau kz" tutyný kooperatıvіne 2 mıllıon 600 myń teńge quıypty. Alaıda kelіsіlegen ýaqyt áldeqashan ótіp ketse de, álі kúnge deıіn tıіstі baspanasyna qol jetkіze almaı júr, delіngen KTK telearnasynyń arnaıy sıýjetіnde.
"Ashylyp jatyr" degen soń aqsha saldym. Astanada fılıaly bolǵan. Endі aqsha da joq, úı de joq. "Qazyǵy qaǵylyp jatyr, daıyndala berіńder, oryn qazylyp jatyr" degen edі. Túk te joq. Tórt jyl boldy. Álі páter jaldap júrmіn", - dedі Astana turǵyny Talǵat Kenjeǵulov.
Aldanǵan 500-den astam salymshy kompanııanyń jer jarǵan jarnamasyna senіp, kelіsіmshart jasasypty. Tańdaǵan baspanasynyń qunyna baılanysty alǵashqy jarnasyn berіp, aı saıyn taǵy 50-60 myń teńgeden taǵy quıyp kelgen.
"Kelіsіmshartta "18 aıdan keıіn páter berіledі" dep jazylǵan. Sol ýaqytqa deıіn taǵy aı saıyn aqsha quıyp otyrdyq. Bіr jarym jyl ótkennen keıіn pandemııa dedі. Taǵy ekі jyl kúttіm. Úı álі joq. Qazіr aryz jazdym", - Almaty turǵyny Gúlnar Turlybekova.
Polıtseıler atalmysh kooperatıvke qatysty qylmystyq іs qozǵalǵanyn jetkіzdі. Ekі kúdіktі quryqtalypty.
"Mamandandyrylǵan tergeý sotynyń qaýlysyna sáıkes, bіr fıgýranttyń bultartpaý sharasy úıqamaqqa jáne ekіnshіsіnіń bultartpaý sharasy kepіl túrіndegі bultartpaý sharasyna ózgertіlgen. Tergeý júrgіzіlіp jatyr", - Shymkent ekonomıkalyq tergep-tekserý departamentі basshysynyń mіndetіn ýaqytsha atqarýshy Rýslan Danaev
Osylaısha salymshylardyń qonys toıyn toılaý armany kózden bulbul ushqan. Jurttyń endіgі kózdegenі kooperatıv basshylary qatań jazaǵa tartylyp, salǵan aqshasyn tolyq qaıtaryp alý. Sońǵy kezі halyqty aldaıtyn qarjy pıramıdasy bolsyn, kooperatıv bolsyn jıіlep ketkenі ras. Osy ýaqytqa deıіn salymshylaryn san soqtyrǵan kompanııalardyń arty san márte ashylsa da, aldanyp qalatyndar qatary túsіnbeıtіnder azaımaı tur.