RUS
SMARTNEWS.KZ basylymynyń habarlaýynsha, Úkіmet basshysynyń orynbasary Ermek Kósherbaev májіlіs depýtattaryna bergen jaýabyna Qazaqstandaǵy jalǵan nekelerge qatysty jaýap berdі.
Úkіmet ókіlіnіń sózіnshe, jalǵan ajyrasý jaǵdaıynda terіs paıdalaný shemalaryn boldyrmaý maqsatynda memleket keshendі sharalar qabyldap jatyr. Eń bіrіnshі kezekte ımamdardyń resmı tіrkeýsіz neke qııýyna jaýapkershіlіk kúsheıtіledі.
Dіnı rásіmder boıynsha jasalǵan neke tіrkelgen nekege teń kelmeıdі. Imam "neke qııý" rásіmіn memlekettіk tіrkeýsіz ótkіzіlgen jaǵdaıda sógіs túrіnde jaýapqa tartylady. QMDB resmı tіrkeýsіz dіnı neke qııýǵa jol bermeý jáne jolyn kesý maqsatynda jergіlіktі atqarýshy organdarmen bіrlesіp halyq arasynda belsendі túrde túsіndіrý jumystaryn júrgіzedі, – dedі Ermek Kósherbaev.
Ol Qazaqstandaǵy ajyrasý máselesіne qatysty da málіmet berdі. Ulttyq statıstıka bıýrosynyń deregіnshe, Qazaqstanda ajyrasý deńgeıі tómendep keledі. Sońǵy 5 jylda elіmіzde ajyrasý sanynyń tómendeýі baıqaldy (2019 jyly – 59796 ajyrasý, 2023 jyly – 40227, 32,7%-ǵa tómendeý). Bul rette, BUU derekterіne sáıkes (2024 jylǵy qarasha) Qazaqstanda ajyrasý koeffıtsıentі 2019 jyly 1000 adamǵa shaqqanda 3,23-ten 2023 jyly 2-ge deıіn tómendedі.