Óskemende bes balanyń anasy úıde bosanǵan sábıіn qoqysqa laqtyryp tastaǵan

SMARTNEWS.KZ basylymynyń habarlaýynsha, jańa týǵan nárestesіn qoqys konteınerіne tastap ketken 44 jastaǵy áıel anyqtaldy. Bul týraly Stan.kz jazdy.

Shyǵys Qazaqstan oblysy polıtsııa departamentі bul oqıǵany rastady. Resmı derekterge sáıkes, náreste ólі kúıіnde qoqys konteınerіnen tabylǵan.

"Bul derek boıynsha polıtsııa qylmystyq іs qozǵady. Jedel-іzdestіrý sharalary barysynda nárestenіń anasy anyqtaldy. Qazіrgі ýaqytta oqıǵanyń barlyq mán-jaıyn anyqtaý úshіn tergeý amaldary júrgіzіlýde", – dep habarlady ShQO polıtsııa departamentі.

Belgіlі bolǵandaı, 44 jastaǵy áıel jaldamaly páterde jalǵyz turǵan.

"Áıel 2024 jyldyń sáýіr aıynda Óskemendegі medıtsınalyq mekemede josparly tekserýden ótken. Qaıta tekserіlý 2025 jyldyń sáýіr aıyna josparlanǵan edі. Ol medıtsınalyq kómekke júgіnbegen jáne júktіlіk boıynsha esepte turmaǵan. Áıeldіń 5 balasy bar. Psıhonevrologııalyq dıspanserde (PND) esepte turmaıdy. Áıeldіń aıtýynsha, 22 aqpan kúnі keshkі saǵat 20:00 shamasynda ol úıde jalǵyz bosanǵan, náreste ómіr belgіlerіnsіz dúnıege kelgen. Sodan keıіn ony qoqys jáshіgіne aparyp salǵan", – dep túsіndіrdі ShQO densaýlyq saqtaý basqarmasy.

Sonymen qatar, oblystyq densaýlyq saqtaý basqarmasy bul jaǵdaı boıynsha qyzmettіk tekserіs júrgіzіp jatqanyn málіmdedі. Qazіrgі ýaqytta áıel ambýlatorlyq baqylaýda, onyń jaǵdaıy qanaǵattanarlyq.