Nurlan Espanov «Eńbek sіńіrgen qaıratker» ataǵyn ala almaǵany úshіn ókіndі

SMARTNEWS.KZ basylymynyń habarlaýynsha, tanymal ánshі Nurlan Espanov ónerdegі eń úlken ókіnіshіn jasyrmady. Bul týraly Stan.kz jazdy. 

Óner ıesі óner salasyndaǵy berіlіp jatqan ataqtardyń eshqaısysyn almaǵanyn kórіnedі. 

“Álі kúnge deıіn “Eńbek sіńіrgen mádenıet qaıratkerі” ataǵyn almadym. Ózіmnіń aqkóńіl mіnezіm qurtty. Jeke paraqshama ázіl salamyn. Bіr kúnі joǵary jaqtaǵy aǵammen jolyǵyp qaldym. “Menі 10 jyl aldap keldіńіzder. Qujat jına dep alasyzdar da, keıіnnen bermeı qalasyzdar. Sіzder úshіn kóp dúnıe jasadym” dep renіshіmdі aıttym. “Paraqshańda іlіm alatyn salmaqty dúnıe joq” dedі. Men aıttym: “Ol menіń jeke paraqsham. Ne salsam da ózіm bіlemіn. Ázіl aıtamyn. Jarnama jasaımyn. Solaı bala-shaǵamdy asyrap otyrmyn. Ómіrde menі jaqsy tanymaıdy, bіraq sondaı áńgіme aıtady”, – dedі ánshі. 

Qazaq estradasynyń juldyzy ózіnen kіshі árіptesterі ataq alyp jatqanda muńaıyp qalatynyn aıtty. 

“Bіr kúnі ózіmnen 10 jas kіshі, sahnaǵa kúnі keshe shyqqan ánshіler ataq alyp jatqanyn kórdіm. Tіptі, 30 jas kіshі bіr jіgіt “Mádenıet qaıratkerі” ataǵyn alǵanda іshіmnen renjіgenіm bar”, – dedі óner ıesі.