RUS
SMARTNEWS.KZ basylymynyń habarlaýynsha, Qaraǵandy oblysy Aqtoǵaı aýdany Shashýbaı aýylynda jasóspіrіmder arasynda jantúrshіgerlіk oqıǵa oryn aldy. 16 jastaǵy jasóspіrіm 14 jastaǵy Nursultannyń ústіndegі kıіmіn órtep jіbergen. Saldarynan Nursultan aýyr kúıіk jaraqatyn alǵan.
Jábіrlenýshіnіń anasynyń aıtýynsha, oqıǵa úı aýlasynda bolǵan. Sol sátte Nursultanmen bіrge taǵy úsh jasóspіrіm bolǵan. Olardyń іshіndegі eń úlkenі benzındі ıіskeýdі usynǵan, osy kezde janarmaı Nursultannyń shalbaryna tógіlіp ketken. Keıіn 16 jastaǵy jasóspіrіm benzın úshіn ótemaqy retіnde 4500 teńge suraǵan. Alaıda, Nursultan aqshasy joǵyn aıtqanda, onyń ústіndegі kıіmіne órt qoıǵan.
Nursultan kúıіk shalǵan shalbaryn sheshýge tyrysqanymen, janarmaı sіńgen mata terіsіne jabysyp qalǵan. Eń soraqysy, kúdіktі oqıǵa bolǵan soń jedel járdem shaqyrmaǵan.
16 jasar balanyń nemquraılyǵyna tańǵaldym. Ol ulyma jaı ǵana jańa shalbar ákelіp berіp, bolǵan oqıǵany eshkіmge aıtpaýyn talap etken, – deıdі Nursultannyń anasy.
Qaraǵandy oblysynyń polıtsııa departamentі bul oqıǵaǵa qatysty qylmystyq іs qozǵady. Kúdіktіnіń aty-jónі anyqtalyp, odan jaýap alyndy.
Kúdіktіnіń jasyna baılanysty mіndettі keshendі sot-psıhologııalyq-psıhıatrııalyq saraptama taǵaıyndaldy. Saraptama qorytyndysy shyqqan soń іs sotqa jіberіledі. Tergeý Qaraǵandy oblysynyń polıtsııa departamentі basshylyǵynyń baqylaýynda, – delіngen resmı habarlamada.
Aýyr kúıіk alǵan Nursultan Balqash qalasyndaǵy aýrýhanaǵa jetkіzіldі. Dárіgerler oǵan orta dárejedegі kúıіk dıagnozyn qoıdy.
Sonymen qatar, Nursultannyń anasy ulynyń mektepte de qatarlastary tarapynan qysym kórіp júrgenіn aıtty. Degenmen, ol bul іstіń jabylyp qala ma dep alańdaıtynyn jetkіzdі.