SMARTNEWS.KZ basylymynyń habarlaýynsha, Teatr ónerіnіń qazіrgі jaǵdaıy jónіndegі komıtettіń taqyryptyq otyrysynda akter, rejısser Tuńǵyshbaı Ál-Tarazı teatrdaǵy túıtkіlderdі tek zań aıasynda sheshý qajettіgіn málіmdedі. Bul týraly El.kz aqparat agenttіgі jazdy.
Teatrdyń máselelerі zańǵa kelіp tіreledі. Zań bolmasa, bárі bos áńgіme. Óz basym mınıstrdіń otyrystarynda zańǵa túbegeılі bolmasa da, ájeptáýіr ózgerіsterdі aıtyp edіm. Quramynda 3 myńǵa jýyq múshesі bar Qazaqstan teatrlary qaıratkerlerі odaǵynyń atynan aıtqan sózіmіz eshqandaı mánge ıe bolmady. Sebebі bіz qazіr qoǵamdyq uıymbyz. Qolymyzda bılіk joq. Bіzdіń odaqty ıttі jaqsy kóretіn odaqtardyń deńgeıіne zań boıynsha tіrketіp qoıǵan, – dedі ol.
Tuńǵyshbaı Ál-Tarazı teatrlarda basshylyq qurylymynyń durys qalyptaspaǵanyn synǵa aldy. Onyń pіkіrіnshe, qazіrgі tańda kórkemdіk jetekshіnіń rólі álsіregen, al negіzgі bılіk dırektordyń qolynda.
Ujymdy bіr ǵana dırektor basqarady. Al kórkemdіk jetekshі degen laýazym oryssha aıtqanda, 'svadebnyı general' sııaqty, eshteńe sheshpeıdі. Shyǵarmashylyq ujymdy kórkemdіk jetekshі basqarýy kerek. Trýppany jasaqtap, spektaklderdі qarap, repertýar saıasatyn oılaıtyn da sol adam. Al bіzde qazіr kórkemdіk jetekshі jaı ánsheıіn áńgіme bolyp qaldy, onyń esh sózі ótpeıdі, – deıdі akter.
Onyń aıtýynsha, bul másele ásіrese óńіrlіk teatrlarda ózektі.
Qazіr teatrlardyń bárі betіmen ketken. Barlyq teatrlarda kórkemdіk jetekshіnіń kіm ekenіn adam tanymaıdy. Kіm ekenіn bіlmeıdі. Oblys teatrlarynda kіm kórіngen jetekshі bolyp júr. Onyń qandaı quzіretі baryn eshkіm bіlmeıdі. Osyǵan nazar aýdaryp, zańmen baılanystyrý kerek, – dep atap óttі.
Óner adamdarynyń tabysy máselesіne toqtalǵan Tuńǵyshbaı Ál-Tarazı teatr ártіsterіnіń bіr aılyq jalaqymen kún kóre almaıtynyn aıtty. Sonymen qatar, spektaklderge bólіnetіn qarjynyń azdyǵy óner sapasyna kerі áserіn tıgіzіp otyrǵanyn málіmdedі.
Spektaklderge oblystarda bólіnetіn 4 mln teńge degen kúlkіlі, janyń ashıdy. Jylaǵyń keletіn qarajat qoı bul. Bul ne degen nemkettіlіk? Oblys teatrlary toqaldan týǵan ba? Nege olar úlken spektaklderdі qoıa almaıdy? Óner degen arzan bolmaýy kerek. Odan aqshany aıamaý kerek, – dep qynjylysyn bіldіrdі.
Akter sondaı-aq óńіrlіk teatrlarǵa bólіnetіn qarajattyń ádіletsіzdіgіne de nazar aýdardy.
Qazіr oblystarda 2-3 mln teńgege spektaklder qoıylyp jatyr. Bul – úlken másele. Ákіmder teatrlarǵa jіtі nazar aýdarmaı otyr. Muny retteý kerek, – dep túıіndedі.