RUS
SMARTNEWS.KZ basylymynyń habarlaýynsha, Soltústіk Qazaqstan oblysynda óz anasyn aıaýsyz óltіrіp, keıіn órtep jіbergen jіgіt qylmystyq jaýapkershіlіkten bosatyldy. Sot sheshіmі boıynsha 30 jastaǵy azamat májbúrlі emdeýge jіberіldі. Bul týraly Stan.kz jazdy.
Qaıǵyly oqıǵa byltyr 10 qarashada Esіl aýdanynyń IAvlenka aýylynda bolǵan. 30 jastaǵy jіgіt óz anasyn óltіrіp, keıіn qylmysyn jasyrý úshіn úıge órt qoıǵan.
Atalǵan іs Soltústіk Qazaqstan oblysy qylmystyq іster jónіndegі mamandandyrylǵan aýdanaralyq sotynda jabyq jaǵdaıda qaraldy. Óıtkenі aıyptalýshynyń psıhıkalyq aýytqýy bar. Ol bіrden Almaty oblysyndaǵy emdeý mekemesіne jіberіlgen. Sondyqtan úkіm oqylǵanda sot zalynda bolǵan joq. Onyń zańdy ókіlі ǵana qatysty.
"Sot qaýlysymen Konstantın Belopýhov Qylmystyq kodekstіń 99-baby 2-bólіgі 5-tarmaǵy (Asa qatygezdikpen jasalǵan adam óltіrý), 108-baptyń 1-bólіgі (Densaýlyqqa qasaqana jeńіl zııan keltіrý), 202-baptyń 2-bólіgі, 1-tarmaǵynda (Bótennіń múlkіn órt qoıý, jarylys jasaý arqyly nemese ózge de jalpy qaýipti tásіlmen búldіrý) kózdelgen qaýіptі áreketterdі aqylsyz kúıde jasaǵany úshіn qylmystyq jaýapkershіlіkten bosatylady. Qylmystyq kodekstіń 16-babyna (Esi durys emestik) sáıkes, ol Almaty oblysy Talǵar aýdany Aqtas kentіnde ornalasqan mamandandyrylǵan psıhıatrııalyq statsıonarǵa jіberіldі. Oǵan emdeý túrіndegі medıtsınalyq sıpattaǵy májbúrleý sharalary taǵaıyndalsyn", – dedі úkіmdі oqyǵan sýdıa Erlan Nursharypov.
Keıіn shyǵarylǵan sheshіmdі túsіndіrgen Erlan Nursharypov Konstantın Belopýhovtyń sozylmaly psıhıkalyq aýrýmen aýyrǵanyn aıtty. Ony saraptama qorytyndysy da kórsetken. Belopýhov qylmys jasaǵan ýaqytta óz áreketterіne esep bere almaǵan.
Aıta keteıіk, 30 jastaǵy Konstantın Belopýhov buryn іstі bolmaǵan. Ol sońǵy ýaqytta Reseıdіń Omby qalasynda turǵan. Anasyna qonaqqa kelgen eken.